“Könüllülər Günü və ya həftəliyinin təqvimdə rəsmi günlər siyahısına daxil olmağının böyük əhəmiyyəti var”.
Modern.az xəbər verir ki, bu fikiləri Milli Məclisin Əmək və əhalinin sosial siyasət komitəsinin sədr müavini Məlahət İbrahimqızı parlamentin bugünkü plenar iclasında çıxışı zamanı deyib.
Deputat könüllü fəaliyyət göstərmək istəyənlərin olduğunu da vurğulayıb:
“Bildiyimiz kimi, ölkəmizdə Birinci vitse-prezidentin şəxsən Heydər Əliyev Fondundakı çoxşaxəli fəaliyyətilə həm xeyriyyəçilik və könüllü fəaliyyət artıq mütəşəkkil səviyyəyə çatmaqla geniş vüsət alıb. Bu gün bu Fond sözün həqiqi mənasında xeyriyəçilik rəmzinə çevrilib. Bu Fondun təsirinin nəticəsidir ki, xeyriyyəçilik və könüllü fəaliyyət göstənlərin sayı nəzərə çarpacaq dərəcədə genişlənib. Ölkəmizdə bu fəaliyyətlə məşğul olanları stimullaşdırmaq, eləcə də cəmiyyətdə bu fəaliyyətin təbliği və təşviqi üçün də çox önəmlidir”.
Sədr müavini bununla bağlı qanunvericilikdə də müəyyən dəyişiklərin olmasına ehtiyac olduğunu qeyd edib.
