"YouTube" video portalında "Tariximizi birgə öyrənək" adlı layihəyə start verilib. Modern.az xəbər verir ki, layihənin ideya müəllifləri gənc tədqiqatçılar Elnur Nəciyev və Günay Nəciyevadır.
Layihənin məqsədi Azərbaycan tarixi ilə bağlı maraqlı əsərləri videolar vasitəsilə geniş ictimaiyyətə təqdim etməkdir.
İlk buraxılış “İlk Azərbaycan kitabı” adlı əsərə həsr olunub. Əsərin tərtibçisi tarix elmləri doktoru Aydın Xəlilov, məsləhətçisi isə xalq şairi Nəriman Həsənzadədir. Bu əsər Azərbaycanda ilk çap kitablarının yaranma tarixi haqqındadır.
