"Bakı-İstanbul-Bakı istiqaməti üzrə çarter reysləri təşkil olunur. Son 48 saat ərzində testdən keçən vətəndaşlarımız karantində saxlanılmır."
Modern.az-ın məlumatına görə, bunu Nazirlər Kabineti yanında Operativ Qərargahın brifinqində Azərbaycan Respublikası Prezidentinin köməkçisi-Prezident Adminstrasiyasının Xarici siyasət məsələləri şöbəsinin müdiri Hikmət Hacıyev bildirib. O qeyd edib ki, digər ölkələrlə də bu cür reyslərin həyata keçirilməsi üçün danışıqlar aparılır:
"Azərbaycan sərhədini Samur istiqamətində keçən vətəndaşlar karantinə alınır. Onların da karantində saxlanılmaması üçün tədbirlər həyata keçirilir".
H.Hacıyev deyib ki, Azərbaycan-Rusiya arasında gedən danışıqlara əsasən, 250 nəfərə yaxın vətəndaşımız quru sərhədini keçərək, ölkəmizə daxil olub.
