Azərbaycanda koronavirusa yoluxanların yaş və cins göstəricilərinə dair son statistika açıqlanıb.
Modern.az koronavirusinfo.az saytındakı rəsmi göstəricilərə istinadən xəbər verir ki, ölkə üzrə yoluxanların 5 faizi 0-9 yaş arası, 6 faizi 10-19 yaş arası, 14 faizi 20-29 yaş arası, 18 faizi 30-39 yaş arası, 15 faizi 40-49 yaş arası, 21 faizi 50-59 yaş arası, 16 faizi 60-69 yaş arası, 4 faizi 70-79 yaş arası, 2 faizi 80 və yuxarı yaş arası insnalardır.
Rəsmi məlumata görə, yoluxanların cins tərkibi dəyişməyib. Belə ki, COVİD-19 xəstələrinin 54 faizi qadınlar, 46 faizi kişilərdir.
Qeyd edək ki, indiyədək Azərbaycanda 21 916 nəfər koronavirus infeksiyasına yoluxub. Onlardan 13 100 nəfər müalicə olunaraq sağalıb, 274 nəfər vəfat edib, 8 542 nəfərin xüsusi rejimli xəstəxanalarda müalicəsi davam etdirilir. Ötən müddət ərzində isə ümumilikdə 537 230 test aparılıb.
