"Yardımlı Xeyriyyə Cəmiyyəti"nin sədri nazirdən kömək istəyir - MÜRACİƏT | Modern.az

“Yardımlı Xeyriyyə Cəmiyyəti” İctimai Birliyinin sədri Elman Eldaroğlu Azərbaycan Respublikasının Daxili işlər naziri, general- polkovnik Vilayət Eyvazova açıq məktub yazaraq, kömək istəyibb. Modern.az həmin müraciəti təqdim edir:

• - Hörmətli Vilayət müəllim, Yardımlı ictimaiyyətini təmsil edən İctimai Birliyin sədri kimi, Sizi narahat etməyimizin səbəbi bu gün rayonumuzda narkomaniyanın vüsət aldığından təlaş keçirməyimizdir.
• Təsəvvür edin ki, bu bəla artıq həddibuluğa çatmayanların da arasına ayaq açıb. Rayonda bunun satışı ilə məşğul olan bir sıra cinayətkar ünsürlər ciddi müqavimət görmədiklərindən müştərilərinin sayını artırmaqda davam edirlər. Bu isə sağlam düşüncəli Yardımlı ictimaiyyətini çox narahat edir. Rayonumuzda narkomaniya əleyhinə bir sıra addımlar atılsa da yetərincə deyil. Narkoticarətçilər hələ də rahat şəkildə öz alverlərini davam etdirirlər.

   
  Cənab nazir, problemin nə qədər ciddi olduğunu anlayaraq, Sizdən xahiş edirik ki, rayon ərazisində narkoticarətlə məşğul olan cinayətkarların ictimaiyyətdən təcrid olunması- layiqli cəzalarını almaları istiqamətində rayon Polis şöbəsinə münasibət bildirəsiniz.

   
  Hörmətlə, “Yardımlı Xeyriyyə Cəmiyyəti” İctimai Birliyinin sədri: Elman Eldaroğlu".