İspaniyanın Palma adasında bir neçə gün əvvəl baş vermiş vulkan püskürməsinin vurduğu maddi ziyan 400 milyon dollardan çoxdur.
Modern.az-ın məlumatına görə, bunu Kanar adaları muxtar əyalətinin hökumət başçısı Anxel Viktor Torres deyib.
O bildirib ki, Palma adası hazırda fəlakət zonası elan olunub. İki gün sonra İspaniya kralı 6-cı Filippiin bölgəyə baş çəkməsi gözlənilir.
Qeyd olunur ki, hazırda vulkanın püskürdüyü lava kütləsi saatda 200 metr sürətlə sahilə doğru irəliləyir.
Xatırladaq ki, Palma adasında vulkan psükürməsi sentyabrın 19-da başlayıb. Hadisə nəticəsinə bölgədə 150-dən çox ev dağılıb, 6 minə yaxın sakin təxliyə olunub.
