Azərbaycanlı K1 ustası Zabit Səmədov növbəti görüşünü keçirəcək.
Modern.az xəbər verir ki, o, fransalı Nayf Didye ilə üz-üzə gələcək.
Qarşılaşma oktyabrın 4-də Çeçenistanın paytaxtı Qroznı şəhərində baş tutacaq.
Qeyd edək ki, Zabit Səmədov indiyədək kikboksinqdə 112 döyüş keçirib. O bunlardan 37-si nokaut olmaqla 102 döyüşdə qalib gəlib. 9 dəfə məğlub olan idmançımızın bir döyüşündə qalib müəyyənləşməyib.
Xatırladaq ki, Zabit Səmədov sonuncu döyüşünü iyunun 14-də yaşadığı Belarusda keçirib. O, ikinci raundda Almaniyanı təmsil edən rəqibi Deci Kalecaiyeni nokauta salıb. Ümumiyyətlə, idmançımız 19 döyüşdür ki, məğlub olmur. O sonuncu dəfə 8 il əvvəl - 2013-cü ilin martın 15-də Xorvatiyanın paytaxtı Zaqrebdə keçirilən döyüşdə məşhur Mərakeş idmançısı Badr Hariyə uduzub.
