"İorina Natalya Vyaçeslavovna barəsində heç bir inzibati, cinayət icraatı yoxdur".
Modern.az xəbər verir ki, bu barədə Daxili İşlər Nazirliyindən (DİN) bildirilib. DİN Mətbuat Xidmətinin şöbə rəisi, polis mayoru Elşad Hacıyev vurğulayıb ki, onun özünə xəsarət yetirməsinin qarşısını almaq məqsədilə polis şöbəsinə dəvət olunaraq, həkim nəzarətinə verilib:
"Hazırda sağlamlıq vəziyyəti stabildir. Bu saatlarda yaşadığı ünvana göndərilməsi təmin olunacaqdır. Onun siyasi baxışlarına görə saxlanılması ilə bağlı sosial şəbəkə seqmentlərində yayılan iddialar əsassızdır. Onu narahat edən hallarla bağlı araşdırmalar davam etdirilir".
