Noyabrın 16-da dövlət sərhədində Ermənistanın təxribatları nəticəsində baş verən toqquşmalar zamanı Azərbaycan ordusunun şəhid olan müddətdən artıq həqiqi hərbi xidmət hərbi qulluqçusu gizir Cabbarov Orxan Hətəm oğlu doğulduğu Quba rayonuna gətirilib.
Modern.az-ın məlumatına görə, şəhidlə vida mərasimi doğulduğu Davudoba kəndində keçiriləcək. Daha sonra gizir Quba şəhər Şəhidlər xiyabanında dəfn ediləcək.
Bildirək ki, Gizir Cabbarov Orxan Hətəm oğlu 1994-cü ildə Qubanın Davudoba kəndində anadan olub.
Qəhrəman igidimiz subay idi.
Qeyd edək ki, noyabrın 16-da dövlət sərhədində Ermənistanın təxribatları nəticəsində baş verən döyüş əməliyyatları zamanı Azərbaycan ordusunun yeddi hərbi qulluqçusu şəhid olub. Döyüşlərdə 10 hərbçimiz yaralanıb.
