“Biz “Azəristiliktəchizat” ASC-yə qaza olan borcunu ödəmək üçün 1 həftə vaxt vermişdik. Artıq onlar müəyyən qədər ödəniş edib”.
Modern.az xəbər verir ki, bunu jurnalistlərə Dövlət Neft Şirkətinin (SOCAR) “Azəriqaz” İstehsalat Birliyinin baş direktoru Ruslan Əliyev deyib.
Baş direktor bununla belə, möhlətin müddətinin dekabrın 15-nə qədər uzadıldığını vurğulayıb:
“Əgər o vaxta qədər ödəniş olmasa, biz borclu abunəçinin qazını kəsməyə məcbur olacağıq".
