Koronavirusun "Omicron" ştamının yayılma tempi yüksək olan ölkələrdən bəziləri - Cənubi Koreya və Avstraliya epidemiyaya qarşı tədbirləri yumşaltmaq qərarına gəliblər.
Modern.az xarici mətbuata istinadən xəbər verir ki, Avropanın aparıcı iqtisadiyyatına malik olan Almaniya da gələn həftədən etibarən karantin tədbirlərini yumşaltmağı planlaşdırır.
"Bloomberg"in təhlil xəbərlərində qeyd olunub ki, epidemiya ilə bağlı məlumatlar rekord səviyyədə olsa da, siyasətçilər tədbirləri aradan qaldırmağın tərəfdarıdırlar.
Elm adamları isə bu qərarların düzgün olmadığını düşünürlər. Ümumdünya Səhiyyə Təşkilatının aparıcı mütəxəssisi Soumya Swaminathan bütün məhdudiyyətlərin ləğvini “axmaqlıq” adlandırıb.
Turqay Musayev
