"Anatolian Phoenix - 2022” beynəlxalq axtarış-xilasetmə təlimində iştirak edən müxtəlif ölkələrin nümayəndələri uçuş tapşırıqlarının yerinə yetiriləcəyi rayonlara baxış keçiriblər.
Bu barədə Modern.az Müdafiə Nazirliyindən məlumat verilib.
Hərbi qulluqçulara təlimin keçirilmə qaydaları, təhlükəsizlik və təşkilatı məsələlərlə bağlı digər mövzularda təlimat verilib.
Həmçinin, ərazi ilə tanışlıq məqsədilə praktiki uçuşlar icra edilib.
Uçuş zamanı helikopterlərin qarşılıqlı fəaliyyəti və rabitə əlaqəsi yoxlanılıb.
