Payız əkin mövsümü başlayandan bugünədək respublikanın 32 rayonunda meşəbərpa tədbirləri həyata keçirilib, 362 hektar meşə fondu torpağında 340 000 ağac əkilib, 14 tondan çox toxum səpilib.
Meşələrin İnkişafı Xidmətinin rəsmisi Cabbar Qəribov Modern.az-a bildirib ki, meşəbərpa tədbirləri respublikanın bütün rayonlarını əhatə edir və payız əkin planına müvafiq olaraq hər bölgənin iqlim şəraitinə uyğun müxtəlif ağac tingləri əkilir, toxumlar səpilir.
