Sağlamlığı zərər vuran, əhalinin istirahətinə maneə yaradan partlayıcı və tezalışan maddələr və pirotexniki məmulatların satışı və istifadəsinin qarşısının alınması istiqamətində tədbirlər görülür.
Bu barədə Modern.az-a Daxili İşlər Nazirliyindən (DİN) bildirilib.
Polis əməkdaşları tərəfindən paytaxtın Qaradağ, Suraxanı, Sabunçu rayonlarında keçirdikləri tədbirlərlə müxtəlif çeşidlərdə 14000-dən artıq yüksək səsyayıcı xüsusiyyətə malik partlayıcı pirotexniki vasitələr aşkar edilərək götürülüb.
Satışı təşkil edən şəxslər məsuliyyətə cəlb edilib. Bu istiqamətdə tədbirlər davam etdirilir.
