Azərbaycanın Los-Ancelesə təyin olunmuş yeni baş konsulu Ramil Qurbanov ilk açıqlamasını verib.
Modern.az xəbər verir ki, diplomat bununla bağlı sosial şəbəkə hesabında paylaşım edib.
“Los-Anceles şəhərində Baş konsul vəzifəsinə təyin edilməyimə görə, Azərbaycan Respublikasının Prezidenti, Zati-Aliləri cənab İlham Əliyevə dərin minnətdarlığımı bildirirəm. Bu etimadı doğrultmaq, ölkəmizi layiqincə təmsil etmək və soydaşlarımıza xidmət göstərməyə çalışacağam”, - Baş konsul deyib.
Qeyd edək ki, bu gün Prezident İlham Əliyevin sərəncamı ilə Ramil Kamil oğlu Qurbanov Amerika Birləşmiş Ştatlarının Los-Anceles şəhərində Azərbaycan Respublikasının baş konsulu təyin edilib.
