Martın 5-də günorta saatlarında İran ərazisindən Naxçıvana buraxılan pilotsuz uçuş aparatlarından biri Babək rayonunun Şəkərabad kəndində yerləşən tam orta məktəbin yaxınlığına düşərək partlayıb. Məlumata görə, əraziyə operativ xidmətlər cəlb olunub.
Naxçıvan Təhsil Nazirliyinin mətbuat katibi Novruz Məmmədov Modern.az-a açıqlamasında bildirib ki, hadisə ilə bağlı şagirdlərə operativ psixoloji dəstək göstərilib.
O qeyd edib ki, Naxçıvanda bütün məktəblərdə psixoloqlar fəaliyyət göstərir və şagirdlərin sayına uyğun olaraq psixoloq ştatları müəyyən edilib.
