Bakı Təşəbbüs Qrupu ilə Burkina-Fasonun Qabaqcıl Beynəlxalq Araşdırmalar İnstitutu arasında memerandum imzalanıb.
Modern.az xəbər verir ki, Bakı Təşəbbüs Qrupunun (BTQ) icraçı direktoru Abbas Abbasov brifinqdə Bakı Təşəbbüs Qrupu ilə Burkina-Fasonun Qabaqcıl Beynəlxalq Araşdırmalar İnstitutu arasında imzalanan Anlaşma Memorandumunun BTQ-nin tarixində xarici dövlət qurumu ilə bağlanan ilk əməkdaşlıq sənədi olduğunu bildirib.
O qeyd edib ki, Burkina-Fasonun Xarici İşlər Nazirliyinin tabeliyində fəaliyyət göstərən Qabaqcıl Beynəlxalq Araşdırmalar İnstitutu ilə imzalanan Anlaşma Memorandumu BTQ üçün yeni mərhələnin başlanğıcıdır:
“Memorandum çərçivəsində birgə elmi tədqiqatların aparılması, hesabatların hazırlanması, təlimlərin təşkili və dekolonizasiya sahəsində əməkdaşlığın genişləndirilməsi nəzərdə tutulur”.
O bildirib ki, institut Burkina-Fasoda diplomatların hazırlanması üzrə ixtisaslaşmış dövlət qurumudur və əməkdaşlıq gələcəkdə bu sahədə yeni layihələrin həyata keçirilməsinə imkan yaradacaq:
“Təşkilat gələcəkdə digər Afrika ölkələrinin dövlət qurumları ilə də oxşar əməkdaşlıq sənədlərinin imzalanmasını nəzərdən keçirir.
