Tacikistan Beynəlxalq Cinayət Məhkəməsinin (BCM) üzvlüyündən çıxmaq niyyətindədir.
Modern.az xəbər verir ki, bu barədə Tacikistan parlamentinin mətbuat xidməti məlumat yayıb.
Bildirilib ki, ölkənin BCM-dən çıxmasını nəzərdə tutan qanun layihəsi parlamentin aşağı palatasına təqdim edilib.
Qeyd edək ki, 2025-ci ildə Avropa İttifaqı Tacikistanı Rusiya Prezidenti Vladimir Putinlə bağlı BCM-nin həbs qərarını icra etməməkdə ittiham edib. Aİ həmin vaxt Tacikistanın Roma Statutunun iştirakçısı olduğunu və buna görə də məhkəmənin qərarları ilə bağlı müəyyən öhdəliklər daşıdığını bildirmişdi.
Tacikistanın BCM-dən çıxması ilə bağlı qanun layihəsinin parlamentdə müzakirə olunacağı gözlənilir.
