7 İyul 2017, 14:25 | Ana Səhifə - Yazılar - Yandım, ay Allah!
Yandım, ay Allah!

Hidayət Elvüsal


Uşaqlıqdan yanğınsöndürən olmaq istəyirdim. Bu həvəsi məndə nənəm oyatmışdı. Əlimi ocağa, ya isti qazana uzadanda deyirdi: Cızz! Xalam hirslənəndə qarğış eləyirdi:

- Ay sənin ciyərin yansın, dinc otur, başım qazan kimi qaynadı.

Qonşumuz Sənəm xala təzə tuman geyinib arvadlara yanıq verirdi. Bir sözlə, yavaş-yavaş yanğınsöndürən olurdum və nəhayət arzuma çatdım.

Bu yanğınsöndürən çox odlu-alovlu bir peşədir və adamın başına qəribə hadisələr gəlir. Günlərin birində arxası üstə uzanıb zümzümə eləyirdim:

- Papirosum yana-yana,

Od düşüb şirin cana…

İş yoldaşım məni səslədi:

- Ə, dur, ə! Samovara od salmışam.

Təzəcə bir stəkan çay süzüb oturmuşduq ki, telefon zəng çaldı:

- Tez olun! “Azərbaycan” nəşriyyatında bir qəzet yanır.

Maşınlara doluşub redaksiyaya üz tutduq. Tüstü zad çıxmırdı. İçəri girəndə əməkdaşlar təəccüblə bizə baxdılar. Bir-iki addım atıb, qəzeti götürdük və dördüncü səhifəsinə baxdıq. Pahatonnan! Səhifə bir himə bənd idi ki, od tutub yansın. Şeirlərin altındakı, üstündəki imzalar bala-bala qəzetə köz salırdı: Orxan Odlu, Yaqub Yanar, Kamran Közlü, Arif Atəş, Aslan Alovlu, Oqtay Ocaq, Səlim Sönməz, Kamal Qığılcım, Müslüm Müştük…

Bizi dolayıblarmış…

Birdən şairlərin biri pıçıldadı:

- Yandım, alagözlüm,

Odlandım, şirin sözlüm…

Dedim:

- Ədə, kəs səsini! Təzəcə söndürmüşük. Necəsən qoyub gedək, qalasan yana-yana?

O biri dedi:

- Yanıram eşq oduna…

Başqa birisi:

- Gözüm yandırar səni.

Bir gödəkboylusu:

- Ah çəkərəm yanarsan…

Gördük burdan kabab iyi gəlir. Şairlər od tutub yanırlar. Məsləhətləşib iki ton yarım suyu vurduq onların canına. Sönmədilər…

…Bir dəfə də həmişə olduğu kimi arxiv yanırdı. Xəbər elədilər getdik. Gördük camaat, polis qarışıblar bir-birinə. Maşın fit çala-çala yaxınlaşdı. Komandirimiz cəld sıçrayıb yerə düşdü və qaça-qaça polis rəisinin yanına çatdı. Əlini qulağının dibinə qoyub təzim etdi və çığırdı:

- Nəçənnik, su yoxdu!

Nəçənniyin ürəyi getdi. Onu maşina qoyub, yenə fit çala-çala, güc-bəla ilə təcili yardıma çatdırdıq.

…Yəqin o vaxt “AZİ” deyilən institutun yanmağı da yadınızda olar. Bax, onun günahı bizdə olmamışdı. Bir oğlan zəng çalmışdı ki, gəlin, yanır, getdik, söndürdük və oğlana 50 manat mükafat verdik. On gün keçməmiş yenə zəng elədi ki, yanır. Getdik, söndürdük, 50 manat verdik. On gündən sonra institut yandı, heç kəs zəng eləmədi, biz də gedib söndürmədik. Xeyli keçəndən sonra həmin oğlanla qarşılaşdıq. Dedi ki, görürdüm institut yenə yanır. Zəng eləmədim. Qorxdum deyələr özüm yandırıb, zəng eləyirəm ki, 50 manat alım.

Bəli, işimiz ağır və maraqlıdır. Bazarlarda qiymət od tutub yanır, sevənlərin ürəyi kabab olur, paxıllar yanıb-yaxılırlar… bacardığımızı söndürürük. Çünki, sənətimizi çox sevirik. Axı, biz “cızza”dan tutmuş, arxivə qədər uzun bir həyat yolu keçmişik.

Özü də yana-yana, oxuya-oxuya:

- Yandım, ay Allah.

Qara-qara gözlərin…

MÜƏLLİFİN DİGƏR YAZILARI
Robert Koçaryan ilk mitinqini təyin etdi 6 May 2021, 23:06 İki sərbəst güləşçimiz Olimpiya yarışında bürünc uğrunda yarışacaq 6 May 2021, 22:57 Buraxılış imtahanında maksimum bal toplayan yeganə şagird odur - FOTO 6 May 2021, 22:38 Daha bir itkin zabitimizin şəhid xəbəri gəldi - FOTO 6 May 2021, 22:14 Nazir canlı yayımda sualları cavablandıracaq 6 May 2021, 21:43 Avropa İttifaqı çevik hərbi qüvvələr yaradacaq 6 May 2021, 21:35 Erməni nazir: “Mən türk mallarının satışına qadağa söz verməmişəm” 6 May 2021, 21:26 “Neftçi” çempion oldu - FOTO 6 May 2021, 21:19 Rio-de-Janeyro metrosunda atışma - 25 nəfər öldü 6 May 2021, 21:11 Türkiyə konsulluğu 7 ildən sonra fəaliyyətini bərpa etdi   6 May 2021, 21:00 ABŞ Ukraynanın NATO üzvlüyünə dəstək verdi 6 May 2021, 20:47 Cüdoçumuz “Böyük dəbilqə”də bürünc medal qazandı 6 May 2021, 20:38 Nazirlik çirkab suya görə “Azərsu” ASC-ni ittiham etdi 6 May 2021, 20:21 Samir Nuriyev iclas keçirdi - FOTO 6 May 2021, 20:07 Deputatdan evlənmək istəyənlərə şad xəbər - “Toylarla bağlı yeni standartlar yaranacaq” 6 May 2021, 20:00 Dövlət Agentliyi: Qazilərin protezlə təminatı üçün bütün tədbirlər görülür 6 May 2021, 19:52 Mustafa Cengiz namizədliyini geri götürdü 6 May 2021, 19:44 Saç tökülməsini dayandıran effektiv YOLLAR 6 May 2021, 19:37 Bu bankların əmanətçilərindən ərizə qəbulu başa çatdı 6 May 2021, 19:30 Məşhur restoranlar cərimələndi - SİYAHI 6 May 2021, 19:22 Sabirabadda sirkə turşusu içən qadın xəstəxanada ÖLDÜ 6 May 2021, 19:15 Nazir AzTU-ya yeni prorektor təyin etdi - FOTO 6 May 2021, 19:08 Milli Məclisdə görüş - FOTO 6 May 2021, 19:01 Səfir: “Qazaxıstan həmişə Azərbaycanın ərazi bütövlüyünü dəstəkləyib” 6 May 2021, 18:54 ATƏT sədri Azərbaycanın erməni diversantlarını azad etməsini alqışladı 6 May 2021, 18:47 “Qarabağla bağlı razılaşmaları yerinə yetirməyə hazırıq” - Paşinyan 6 May 2021, 18:40 “Twitter”in işində problem yarandı 6 May 2021, 18:27 Xarici diplomların tanınması üçün müraciət metodu sadələşdirildi 6 May 2021, 18:20 Gömrük Komitəsi bayram günləri də işləyəcək 6 May 2021, 18:14 Buraxılış imtahanlarının nəticələri AÇIQLANDI 6 May 2021, 18:07 Qətərin maliyyə naziri həbs olundu 6 May 2021, 18:00 Məktəblərin çağırışaqədərki hazırlıq rəhbərləri ilə müzakirə aparıldı 6 May 2021, 17:54 Dolların sabaha olan məzənnəsi 6 May 2021, 17:48 Saakaşvili seçkilərdə iştirak üçün Gürcüstana qayıdacaq 6 May 2021, 17:42 Bakının mərkəzi küçələrinin birində hərəkət məhdudlaşdırılacaq 6 May 2021, 17:36