10 Dekabr 2017, 21:14 | Ana Səhifə - Yazılar - Təhsil almaq təkcə şəxsi büdcəmizi formalaşdırmaq üçün lazım deyil - HƏFTƏNİN HESABATI
Təhsil almaq təkcə şəxsi büdcəmizi formalaşdırmaq üçün lazım deyil - HƏFTƏNİN HESABATI

Bu dünyanın nökəri də, şahı da amansız olmasın. Kimi bir yumruqla, kimi də bir bıçaqla qan tökər.

Həftənin hesabatını təqdim edirəm.

 

Saakaşvili serialının sonu necə bitəcək?!

 

Yola saldığımız həftə Ukrayna üçün qarışıq həftə kimi yadda qaldı. Mixael Saakaşvili gah damın başına çıxıb intihara əl atdı, gah da polis bölməsində dindirildi. Düzü, aylardır Saakaşvili tamaşası serial kimi uzanır. Hələ ki, gedişat başa çatmayıb.

 

Saakaşvili damın başına çıxıb intihara cəhd etdiyi bir vaxtda, Mikayıl Cabbarov  təhsil naziri, Fazil Məmmədov isə vergilər naziri postundan getdi. Prezidentin sərəncamına əsasən Mikayıl Cabbarov yeni vergilər naziri təyin oldu.  Üstəlik həftə ərzində sosial şəbəkələrdə  təhsil naziri postuna o qədər namizəd irəli sürdülər ki, adam lap başını itirdi. Belə görünür, yeni təhsil naziri təyin olunana qədər qulağımız gündə bir namizədin adını eşidəcək.

 

Trampın yeni oyunu

 

Yola saldğımız həftə dünya ABŞ prezidentinin gözlənilməz qərarından dəhşətə gəldi. Tramp Yerusəlimi (Qüds) İsrailin paytaxtı kimi tanıyacağını deyib. Əslində, Trampın bu fikirləri yeni deyil. Prezidentliyə namizəd olduğu vaxtlarda Yerusəlimlə bağlı vəd verib. Görünür, o vaxtlar kimsə Trampı ciddiyə almayıb. “Dəlidir” deyib üstündən keçiblər. Gün o gün oldu ki, “dəlidən doğru xəbər” gəldi.Türkiyə prezidenti Rəcəb Tayyib Ərdoğan Qüdsün paytaxt olacağı təqdirdə İsraillə diplomatik münasibətləri kəsəcəyini bildirib. Maraqlıdır ki, bu ideya zaman-zaman gündəmə gəlib. ABŞ səfirliyinin Qüdsə köçürülmə planı 1995-ci ildən qüvvədədir. Lakin şəhər mübahisəli statusa malikdir. Ortada müsəlman aləmi üçün xoşagəlməyən nəticə olduğu üçün bu qərar təxirə salınıb.

 

Əslində, Tramp yeni oyun oynayır. O heç də ağlını itirməyib. Bu cür mübahisəli məsələlərin ortaya atılması yeni terror təşkilatının yaranacağı ehtimalını gündəmə gətirir. Onsuz da müsəlman ölkələrinin içindən çıxan terror təşkilatları qərbin məkrli siyasətinin bir hissəsidir. Deyəsən, İŞİD-in zəifləməsindən sonra dünyanı lərzəyə salan yeni terror təşkilatına ehtiyac var. Tramp da bu işə sevə-sevə qol qoyur.

 

Lənət olsun belə bir araya gəlməyə

 

Yola saldğımız həftə 12 yaşlı məktəblinin intihar etməsini araşdırıb başa çatmamış, ata və oğul tərəfindən 4 qız və ananın amansızlıqla qətlə yetirilməsi xəbərinə şahidlik etdik. İstənilən halda, hər iki hadisə sıradan bir şey deyil. Bu gün gözünün içinə baxdıqlarımız sabah “ölüm maşını”nda qarşımıza çıxır.

 

Salyanda baş verən hadisə daha tükürpədici idi. Ata deyilən şəxs 4 qızını və həyat yoldaşının başını kəsib adyala büküb yataq otağının zirzəmisində üzü qibləyə basdırır. Bir ailənin 5 üzvü yoxa çıxır və hər kəs irəli sürülən bəhanəyə inanır. Beləcə yarımçıq taleliləri heç kəs axtarmır.

 

Görünür, laqeydlikdən yaxınımızda olanların qəfil yoxluğu artıq bizi narahat etmir. Qohumlararası yaranan ədavətdən dolayı kimsə kimsənin uzaqdan-uzağa sorağına belə çıxmır. İctimai qınaq ənənəsindən isə danışmağa dəyməz. Nə işdirsə, belə məsələlərdə qeyrətli kişilərin də “qeyrət damarı” durmur. Başqa vaxt "mental dəyərlər" deyib bağıranları qalaq-qalaq kəsilmiş insan başları narahat etmir.

 

Cinayətin detallarına varınca, daha dərin vahimə basır insanı. Yahu, bu məmləkətdə bir gün itkin düşənlərin yoxluğu kimsəni narahat etməyəcəkmi?! 4 il bundan əvvəl baş vermiş hadisə “yoxluğunuz kimsəni narahat etməyəcək”,- deyir. Bəs qanunlar, qurumlar?! Axı, onların funksiyası 5-10 nəfəri toplayıb boş hesabatlar təqdim etməkdən ibarət deyil!

 

İllərdir, Ailə, Qadın və Uşaq Problemləri üzrə Dövlət Komitəsi  erkən nikahların qarşısını almağa çalışır. Bu sahədə görülən işlər var. Bir söz demirik. Amma 5 qadının yoxluğu komitəni də maraqlandırmalı idi. Bölgə insanlarına çox şeyləri aşılamaq lazımdır. Bir qadının yoxluğuna “pozğun həyat yaşayır” damğası vurmaqla kənara atmaq olmaz.  Bir qadının yoxluğu Türkiyədə, Dubayda, İranda tapılmaqla dəfn edilə bilməz. Bir qadının yoxluğu həm də bütün cəmiyyət üçün “həyəcan siqnalı” olmalıdır.

 

Salyanda 4 il əvvəl 5 qadının yoxluğu bir kimsənin nəinki tükünü tərpətmək, heç ruhuna belə toxunmayıb. Bu cinayətin içində insan laqeydliyindən tutmuş vəhşi qanunlara qədər hər şey əks olunub.

 

 

Təəssüf ki, cəmiyyətin zombiləşmiş sakinlərinə çevrilirik. İçimizdən elm, savad arxasınca göndərdiklərimiz geri dönüb “nümunə ağacı” ola bilmir. Və biz kiçik bir kəndin vəhşi qanunlarla idarə olunmasına göz yumuruq. O zaman niyə təhsil almağa can atırıq ki!  Ancaq şəxsi büdcəmizi formalaşdırmaq üçün?! Əgər elədirsə, cəmiyyətin xəstə təfəkkürlü insanlardan azad olunacağına ümid etməyək.

 

Başqa vaxt övladlarımızı cəmiyyətə layiqli vətəndaş olaraq böyütməkdən dəm vururuq. Dəm vurduğumuz vədə yetişəndə artıq cəmiyyətin problemləri bizə  mənasız və aidiyyatsız görünməyə başlayır. Sonda insanlara laqeyd yanaşma ənənəsi belə formalaşır.

 

Məsələnin başqa tərəfi də var. Məsələn, qanunlar onları pozmaq üçün yaranıb deyirlər. Həbsxanalar  ona görə mövcuddur ki, canilər, oğrular, başkəsənlər qanunları pozduqları üçün məhbəsdə məhbus həyatı yaşasınlar. Bu cinayət faktorunda əli qana batanlar  4 il çox rahat həyatlarını yaşayıblar. Ta ki özləri cinayət əməlini etiraf etməyə qədər.

 

Qohum-qonşu arasında yaranan münaqişə zamanı hamının tanıdığı və ümidlə döydüyü bir qapı var. Polis qapısı. Maraqlıdır ki, polis əməkdaşları 4 il ərzində cinayətin izinə düşməyiblər. Kəndin inandığı moizəyə onlar da inanmalı olub. Qatil isə qanunları qarşısında diz çökdürdüyü üçün kənddə vicdanı təmiz yaşamalı olub. Kim bilir, o qatil əlləri ilə neçə adamı süni şəkildə salamlayıb. Bir halda ki, qanun adamı işinə, peşəsinə laqeyd yanaşırsa, dərdimizi kimə deyək?!

 

Dəhşətli cinayət hadisəsində günahsız qurbanların tapılması üçün qohumlar məsafəcə yaxın olan məşhur polis qapısını yox, məsafəcə uzaq olan məşhur Xoşqədəmin qapısını döydü. Bundan sonrası isə bəllidir. Cinayətin üstü açıldı və cinayətkar həbs olundu. Bu cür amansız qətlləri həyata keçirən caniləri görəndə “kaş ki, ölüm hökmü geri qayıdaydı”,- deyirik. Çünki 3-5 ildən sonra həmin o canilər yenə aramıza dönəcək və biz həmin canilərlə qonşu, yeri gələndə, qohum olacağıq. Lənət olsun, bu cür bir araya gəlməyə...

Almaniyada bu partiyalar koalision hökumət qurmağa HAZIRLAŞIR 27 Sentyabr 2021, 17:06 Ağsaqqallar Şurasından xalqa müraciət 27 Sentyabr 2021, 17:03 Bakıda qadın meyiti tapıldı 27 Sentyabr 2021, 16:59 “Azəriqaz”dan növbəti “Açıq mikrofon” aksiyası 27 Sentyabr 2021, 16:54 “Prezident Azərbaycanın dünya üçün əhəmiyyətini göstərdi” 27 Sentyabr 2021, 16:48 Şəhid Mübariz İbrahimov məktəbi İstanbulda QAZİLƏRİMİZLƏ 27 Sentyabr 2021, 16:44 1 gündə 630 nəfərə peyvənd vurulub 27 Sentyabr 2021, 16:40 Daha 1241 nəfər koronavirusdan sağaldı, 19 nəfər öldü 27 Sentyabr 2021, 16:39 Ordumuz 30 illik Qarabağ həsrətinə 44 gündə son qoydu 27 Sentyabr 2021, 16:37 Avronest PA-nın Büro iclası keçirildi 27 Sentyabr 2021, 16:34 Azərbaycanda vaksin sınağı: Koronavirusdan müdafiə 4 dəfə artdı 27 Sentyabr 2021, 16:32 Yol polisi sürücülərə müraciət etdi 27 Sentyabr 2021, 16:28 Naxçıvanda şəhidlərin xatirəsi yad edilib 27 Sentyabr 2021, 16:24 Bakının Baş Planından yeni xəbər var - RƏSMİ 27 Sentyabr 2021, 16:20 Şəmkirdə 27 sentyabr Anım Günü tədbiri keçirilib - FOTOLAR 27 Sentyabr 2021, 16:17 Şəhidlər Memorial Abidə Kompleksinin açılışı oldu 27 Sentyabr 2021, 16:13 Prezident və birinci xanım yürüşdə iştirak etdi - FOTOLAR - YENİLƏNİB 27 Sentyabr 2021, 16:11 Antrim şəhərində şəhidlərimiz anıldı - FOTO 27 Sentyabr 2021, 16:08 Füzulidə “27 sentyabr - Anım günü” qeyd edilib 27 Sentyabr 2021, 16:05 “Qaçqınkom”da şəhidlər yad olundu 27 Sentyabr 2021, 16:04 "Vikipediya”da 2000-dən çox Vətən müharibəsi şəhidinin məqaləsi yaradılıb 27 Sentyabr 2021, 15:59 Şəhidlərimiz Hacıqabulda da anılıb - FOTOLAR 27 Sentyabr 2021, 15:56 İlham Əliyev və Mehriban Əliyeva Heydər Əliyevin məzarını ziyarət ediblər 27 Sentyabr 2021, 15:51 Oğluna qovuşan ŞƏHİD ANASI - Bağışla, səni koronavirusdan xilas edə bilmədik 27 Sentyabr 2021, 15:48 Daşkəsəndə Anım Günü qeyd olunub - FOTO 27 Sentyabr 2021, 15:46 Lavrovla Şoyqu deputat mandatından imtina etdi 27 Sentyabr 2021, 15:42 İlham Əliyev Qarabağdakı Rusiya sülhməramlılarının işinə belə QİYMƏT VERDİ 27 Sentyabr 2021, 15:39 Münhendəki Azərbaycan Evində şəhidlərimiz yad edilib 27 Sentyabr 2021, 15:35 Baş nazirdən Türkiyənin Vitse-prezidentinə MƏKTUB 27 Sentyabr 2021, 15:30 COVID pasportuna görə neçə müəllim məktəbə buraxılmır? - Rəsmi CAVAB 27 Sentyabr 2021, 15:28 General Mais Bərxudarov Şuşada bayrağımızı qaldırdı-VİDEO 27 Sentyabr 2021, 15:24 Azərbaycan yığması Ermənistanla qarşılaşacaq - FOTO 27 Sentyabr 2021, 15:20 "DAYAQ" Xeyriyyə Fondu qazilərlə görüşüb - FOTO  27 Sentyabr 2021, 15:15 UNEC-də Memorial-Xatirə Kompleksinin açılışı olub - FOTO   27 Sentyabr 2021, 15:12 Üçtərəfli komissiya gələn ay görüşə bilər 27 Sentyabr 2021, 15:09
SORĞU Hansı vaksinə etibar edirsiniz?