04Sentyabr | Ana Səhifə - Yazılar - O dünyadan Sabir Rüstəmxanlıya məktub
O dünyadan Sabir Rüstəmxanlıya məktub

Mahir Qabiloğlu


Əzizim Sabir! Sənə hamıdan salamlar!


Çoxdandır heç kimə məktub yazmıram. Çünki ədəbiyyat aləmində nəsə bir yenilik yoxdur. Heç ictimai-siyasi həyatda da... Amma sənin Anar haqqında müdafiə tipli yazını oxuyandan sonra sevindik. Bir tərəfdən isə kədərləndik. 
Bir gün gözlədik, gələn olmadı. İki gün gözlədik gələn olmadı. Yeddisi çıxdı... Oğlundan xəbər aldıq. Dedi görməmişəm. Fikirləşdik ki, o boyda adam o dünyadan bu dünyaya təşrif gətirib, neujeli bizim xəbərimiz olmayıb, hə? Dedik yəqin qoca vaxtında Əkrəm Əylisli kimi nəsə siyasi səhv buraxıb. Ona görə haqq dünyasına "Fəxri xiyaban hava limanı"ndan yox, Ağdaş kənd aeroportundan uçurdublar. Tez Axirət dünyası Yazıçılar Birliyi adından cənnətdən cəhənnəmə “zapros” göndərdik. Cavab gəldi ki, son bir həftədə Azərbaycan Yazıçılar Birliyindən buraya gələn olmayıb. Bir az sakitləşdik. Ay rəhmətliyin oğlu, bacıoğlunun saytında çap etdirdiyin "Köhnəlməyən soru: biz kimik və nə istəyirik” məqaləsində yazmısan ki, “Çingiz Abdullayev kimi dünya şöhrətli və işləməkdən yorulmayan  birinci katib, yenə başqa iki istedadlı və gənc katib Rəşad Məcid və İlqar Fəhmi olan yerdə Anarın işləməsinə ehtiyac da qalmır”. 
Biz də elə bilmişik ki, Fikrət Qocaya nəsə olub, yeri boşalıb. Çingiz də avtomatik olaraq onun yerinə transfer edib. Yazanda belə şeylərə diqqət elə. Vəzifələrin adını dəqiq yaz. Qoca, həssas adamlarıq. Axı ani bəd xəbərdən ürəyimiz partlaya bilər. 


Deməli, Fikrət Qoca öz xoşuyla getdi. Düz elədi. Ömrünü uzatdı. Yoruldu Anarı müdafiə etməkdən və estafeti verdi sənə. 53 yaşlı gənc katib Rəşad Məcidə, 43 yaşlı gənc katib İlqar Fəhmiyə, 75 yaşlı gənc Baş redaktor İntiqam Qasımzadəyə də uğurlar. Cümlənin sonunda “...Anarın işləməsinə ehtiyac da qalmır” ifadəsini çox ustalıqla işlətmisən. Halal olsun.



Vallah, sözün ucundan tutub ucuzluğa getmək fikrim yoxdur. Yazmısan. Amma son sözü deməyə gücün çatmayıb. Uzadırsan, uzadırsan, amma yazının final nöqtəsini qoya bilmirsən. Ona görə də mən, Bəstəkarlar İttifaqının sədri Tofiq Quliyev və 1-ci katibi Vasif Adıgözəlov bu yazının nöqtəsini qoymaqda sənə yardımçı olmaq qərarına gəldik. Qonşu Vasif fani dünyada etdiyimiz bir söhbətimizi xatırlatdı mənə.


2000-ci il idi. Mahirlə harasa gedirdik. Həyətdə maşın gözləyirdik. Bu zaman Vasif gəldi. Çox əsəbiydi. Sən bilirsən də... Hüsü Hacıyev küçəsində Yazıçılarla Bəstəkarlar evi yanaşıdır. Tofiq Quliyev, Süleyman Ələsgərov, Xəyyam Mirzəzadə, Şəfiqə Axundova və başqa bəstəkarlarımız orda yaşayırdı. Soruşdum ki, “ay Vasif, nə olub? Niyə əsəbləşmisən?”. Cavab verdi ki, “Tofiq qocadır, xəstədir. Nə olsun ki, Bəstəkarlar İttifaqının sədridir, işə ümumiyyətlə gəlmir. Tanınmış bəstəkarlar da yığışıblar ki, 1-ci katib kimi qurultay çağır, onu çıxaraq, təzə sədr seçək. Mən isə bunu eləyə bilmərəm, Qabil. Bacarmaram. Tofiqin ordan ölüsü çıxacaq”.


Hə, Sabir. Tofiqin də ordan ölüsü çıxdı, Vasifin də. Vasifi qızışdıranlar, Tofiq Quliyevi yıxmaq istəyənlərə isə sürpriz bir sədr qoydular. Bununla da söhbət bitdi.


İndi kim nə deyir desin, Anarı sevməyənlərə veriləsi yalnız bir cavab var: “Özünüzü çox cırmayın. Anarın Yazıçılar Birliyindən ölüsü çıxacaq. Yerinə isə qadın gələcək”.


Bu qədər, Sabir. Salmısan humanistliyinə, sözünü qətiyyətlə deyə bilmirsən. “Mustafa”nı gətirmirsən. Yəqin yaş öz sözünü deyir. Çox ürəyi yumşaq olmusan. Başlamısan ki, “Anar belə yazıçıdır, elə vətənpərvərdir. Anarı söyürlər”. Anarı yazılarına görə yox, vəzifəsinə görə söyürlər. Artıq buna öyrəşib də... Məşədi İbad demişkən “Bir nov adətkərdə olub”. Buna tibbi dildə immunitet deyirlər.


Xətrinə dəyməyin Anarın. Ey gənc yazıçılar, imkan verin işləsin. Mən belə tezliklə Axirət Yazıçılar Birliyinin sədri (Azərbaycan üzrə) vəzifəsindən istefa vermək istəmirəm. Qoy oturmuşam yerimdə. Transfer pəncərəsini bağlayın. Azı 20 il.  Çünki Cənnət qanunlarına görə vəzifədə ölən adama burda da eyni vəzifəni verirlər (Elçin uduzdu).

 


Hörmətlə: QABİL

Axirət dünyası, Cənnət şəhəri.

4 sentyabr 2018

 

MÜƏLLİFİN DİGƏR YAZILARI
Xalq artisti Rəfael Dadaşov xəstəxanadan evə buraxılıb 15 Dekabr 2019, 15:53 DİN-dən həbs edilən polkovniklə bağlı AÇIQLAMA 15 Dekabr 2019, 15:39 Sizə bir sirr açım - “Politologiya” adlı elm yoxdur 15 Dekabr 2019, 15:36 İtaliyada bomba təhlükəsi: 54 min sakin təxliyyə edilib 15 Dekabr 2019, 15:08 Bu qədər şərləmək olmaz axı! 15 Dekabr 2019, 14:28 Suriyaya 900-dən çox qaçqın qayıdıb 15 Dekabr 2019, 14:28 Masallıda zəlzələ olub 15 Dekabr 2019, 14:08 Sabahın hava PROQNOZU 15 Dekabr 2019, 13:45 Harvard Universitetinə qəbul olunan Nigar məşhur komandirin QIZIDIR 15 Dekabr 2019, 13:31 “Namuslunu niyə apardılar, namussuz isə öz keyfindədir?” - Şirməmməd Hüseynovla internetdə olmayan MÜSAHİBƏ 15 Dekabr 2019, 12:39 Metroda faciənin qarşısı sərnişinlər tərəfindən alındı - FOTO 15 Dekabr 2019, 12:38 Filippində 6,8 bal gücündə zəlzələ olub 15 Dekabr 2019, 12:10 Səxavət Məmmədovun Amerikadakı YADİGARI 15 Dekabr 2019, 12:04 “Doğulduğum günü xatırlamasam da, əzablı olduğuna əminəm” - 73 yaşlı Xalq şairi 15 Dekabr 2019, 11:28 Yıxılaraq başından travma alan 9-cu sinif şagirdi ölüb 15 Dekabr 2019, 10:46 Mingəçevirdə qardaş qardaşı bıçaqladı 15 Dekabr 2019, 10:42 Nepalda avtobus dərəyə yuvarlanıb: 14 nəfər ölüb 15 Dekabr 2019, 10:39 Bələdiyyə seçkilərinə 1 həftə qaldı: bildirişlərin paylanması prosesi başa çatır 15 Dekabr 2019, 10:29 Küçədə qışlayanlar - Nazirlik neçə nəfərə sahib çıxıb? 15 Dekabr 2019, 10:14 Məşhurların qəribə sonları 15 Dekabr 2019, 10:00 Futbol üzrə Azərbaycan kuboku yarışlarında dörddəbir final başlayır 15 Dekabr 2019, 09:52 Səttar Bəhlulzadə fenomeni 15 Dekabr 2019, 09:45 Ermənilər atəşkəs rejimini 21 dəfə pozub 15 Dekabr 2019, 09:38 Bakı və Gəncədə kafe yanıb 15 Dekabr 2019, 09:31 Növbəti metrostansiyada tikinti işləri yekunlaşdı - AÇILIŞ vaxtı bəlli oldu 15 Dekabr 2019, 09:24 Piyadanı vurub öldürdü 15 Dekabr 2019, 09:10 Məhəmmədi kəndində əl qumbarası aşkarlanıb - FOTO 15 Dekabr 2019, 08:58 Ərzaq anbarında güclü yanğın 15 Dekabr 2019, 00:31 Bakıda yol qazası tıxaca səbəb olub 15 Dekabr 2019, 00:14 Məktəblər bu səbəbdən bağlandı 14 Dekabr 2019, 23:53 Leyla Əliyeva “Zima-2019” Beynəlxalq Uşaq Festivalının qala-konsertində iştirak edib 14 Dekabr 2019, 23:33 Azərbaycanlı tələbə Türkiyədə öldü - SƏBƏB 14 Dekabr 2019, 23:16 Mingəçevirdə gənc oğlanı bıçaqladılar  14 Dekabr 2019, 23:01 Özünü polis əməkdaşı kimi təqdim edən dələduz saxlanılıb 14 Dekabr 2019, 22:33 Müdafiə Nazirliyinin nümayəndələri Moskvada 14 Dekabr 2019, 22:14