Şimali Koreya Yapon dənizi istiqamətinə naməlum mərmi buraxıb.
Modern.az xəbər verir ki, bu barədə Cənubi Koreyanın Birləşmiş Qərargah Rəisləri Komitəsinə istinadən “Yonhap” agentliyi məlumat yayıb.
“Şimali Koreya Yapon dənizi istiqamətinə naməlum mərmi atıb”, – Cənubi Koreyanın hərbi rəhbərliyinin açıqlamasında bildirilib.
Mərminin növü, uçuş məsafəsi və buraxılışın digər təfərrüatları barədə hələlik məlumat verilməyib.
