Ukraynanın cənubunda mühasirədə olan Mariupol şəhərindəki teatr binası Rusiya tərəfindən vurulub.
Modern.az xəbər verir ki, şəhər merinin müavini Sergey Orlov BBC-yə bildirib ki, bomba partlamazdan əvvəl təxminən 1000-1200 nəfər teatrda sığınıb. Ölənlərin sayı hələlik məlum deyil.
Xatırladaq ki, yerli hakimiyyət orqanları müharibə başlayandan bəri Mariupolda azı 2400 nəfərin öldürüldüyünü bildirir, baxmayaraq ki, onlar real rəqəmlərin daha çox ola biləcəyini etiraf edirlər.
