Çexiya Rus Pravoslav Kilsəsinin rəhbəri Patriarx Kirilə qarşı sanksiyalar tətbiq edib.
Modern.az xəbər verir ki, bu barədə Çexiya hökumətinin mətbuat xidməti məlumat yayıb.
O, Rusiya Federasiyasının Ukraynaya qarşı apardığı müharibəni dəstəkləməkdə ittiham olunur.
Kirilin Çexiyaya girişi, Çexiya strukturları vasitəsilə hər hansı maliyyə əməliyyatları aparması qadağan edilir və onun ölkədəki aktivləri dondurulur.
Qeyd edək ki, bundan əvvəl Kanada və Britaniya da Patriarx Kirilə sanksiya tətbiq edib.
