Qaçqınlar mövzusu almanları ən çox narahat edən məsələdir.
Modern.az "Deutsche Welle"yə istinadən xəbər verir ki, bunu "Deutschlandtrend"in bu yaxınlarda keçirdiyi sorğunun nəticələri sübut edir.
Belə ki, Almaniya sakinlərinin 44%-i immiqrasiyanı siyasətçilərin ilk növbədə diqqət etməli olduğu ən vacib məsələ hesab edir. Sorğu göstərib ki, respondentlərin 18%-i xarici siyasət, 13%-i pensiya, 11%-i iqtisadiyyat, 10%-i inflyasiya və vergilərdən narahatdır.
Respondentlərin yalnız 1%-i ətraf mühitin mühafizəsi/iqlim dəyişikliyini ən aktual problem adlandırıb. Əmək haqqı (3%) və sosial ədalətsizlik (3%) məsələlərinə bir qədər çox diqqət yetirilib.
