İranın xarici işlər naziri Abbas Əraqçi Rusiyaya səfər edib.
Modern.az xəbər verir ki, bu barədə IRNA agentliyi məlumat yayıb.
Agentliyin məlumatına görə, Əraqçi aprelin 27-si səhər Saint-Peterburq şəhərinə çatıb.
Daha əvvəl bildirilmişdi ki, səfər zamanı İran diplomatiyasının rəhbəri Yaxın Şərqdəki münaqişənin tənzimlənməsi məsələsini müzakirə etməyi planlaşdırır. Rusiya Xarici İşlər Nazirliyi TASS agentliyinə Abbas Əraqçinin danışıqlar aparmaq məqsədilə Rusiyaya səfərini təsdiqləyib. Rusiya prezidentinin mətbuat katibi Dmitry Peskov isə dövlət başçısı Putinin iranlı nazir ilə görüşünün planlaşdırıldığını bildirib.
