ABŞ-da benzinin qiyməti bir gündə qallon üçün 4,18 dollara (litr üçün təxminən 1,10 dollar) yüksəlib ki, bu da 2022-ci ilin avqust ayından bəri ən yüksək göstəricidir.
Modern.az xəbər verir ki, bu barədə Amerika Avtomobil Assosiasiyasının məlumatında bildirilib.
Qiymət bir gündə təxminən 6 sent artıb ki, bu da son beş həftədə ən böyük bir günlük artımdır. Qeyd olunur ki, neft fyuçerslərinin qiymətlərinin artması amerikalılar üçün benzinin qiymətlərinin artmağa davam edəcəyini göstərir. Ən yüksək qiymət Kaliforniyada qeydə alınıb və burada 1 qallon benzinin qiyməti 5,96 dollara çatıb.
Amerika konsaltinq şirkəti Lipow Oil Associates-in proqnozuna görə, ölkə üzrə orta benzinin qiyməti növbəti həftə və ya 10 gün ərzində qallon üçün 4,30 dollara yüksələ bilər.
