İranlılar Hörmüz boğazında hərbi və ya kommersiya gəmilərinin keçidini tənzimləyəcək yeni qurumu - Fars Körfəzi Boğazı İdarəsi yaradılıb.
Modern.az xəbər verir ki, bu barədə "Al Jazeera"nin İran üzrə əməkdaşı məlumat paylaşıb.
Məlumata görə, bundan sonra Hörmüz boğazından keçmək istəyən hər hansı bir kommersiya və ya hərbi gəmi İran silahlı qüvvələri ilə tam koordinasiyaya malik olmalıdır.
Onlar keçidlə bağlı elektron poçt göndərməlidirlər və sonra İran hakimiyyəti bunu nəzərdən keçirəcək və araşdıracaq. Aydınlıq gətirildikdən və təhlükəsizlik icazəsi verildikdən sonra gəmilərin Hörmüz boğazından keçməsinə icazə veriləcək.
Qeyd edilib ki, bununla yanaşı İran tərəfi boğazın statusunda daimi dəyişiklikdən danışır və bundan imtina etməyəcəklərini elan ediblər.
