Rusiya Xarici İşlər Nazirliyi xarici ölkələri diplomatlarını əvvəlcədən Kiyevdən təxliyə etməyə çağırıb.
Modern.az xəbər verir ki, bunu Rusiya XİN-in rəsmi nümayəndəsi Mariya Zaxarova bəyan edib.
O, bildirib ki, Rusiya Müdafiə Nazirliyinin xəbərdarlığı məhz Ukrayna Prezidenti Volodimir Zelenskinin açıqlamalarına cavab olaraq verilib.
Bundan əvvəl Rusiya Müdafiə Nazirliyi Kiyev sakinlərini şəhəri tərk etməyə çağırmışdı. Nazirlik xəbərdarlıq edib ki, Ukrayna 9 May – Qələbə Gününün keçirilməsinə mane olmağa çalışacağı təqdirdə, Rusiya ordusu Kiyevin mərkəzinə kütləvi raket zərbəsi endirəcək.
“Biz aqressiya mövqeyindən çıxış etmirik, aqressiyaya qaçılmaz cavab mövqeyindən çıxış edirik. Müdafiə Nazirliyinin 4 may tarixli bəyanatı və sonrakı addımlarımız məhz belə qəbul edilməlidir”, - deyə Zaxarova vurğulayıb.
O əlavə edib ki, bu xəbərdarlıq susdurulmamalı və ona çox ciddi yanaşılmalıdır.
