Ermənistanda parlament seçkilərində ən son məlumatlara görə, "Vətəndaş Müqaviləsi" Partiyası çoxluğu itirib.
Modern.az saat 09:00-a olan məlumata görə, ümumi 2005 seçki məntəqəsindən 1963-nün məlumatları rəsmən işlənilib - hakim qüvvə Nazirlər Kabinetini formalaşdırmaq üçün lazım olan 50%-dən az səs toplayır.
"Vətəndaş Müqaviləsi" Partiyası – 49,83%
"Güclü Ermənistan" Bloku – 23,35%
"Ermənistan" Bloku – 9,93%
"Çiçəklənən Ermənistan" Partiyası – 3,98%"
***
08:57
Ermənistanda parlament seçkilərində səslərin təxminən 96%-i hesablanıb və nəticələr açıqlanıb.
Modern.az Ermənistanda Mərkəzi Seçki Komissiyasına istinadən xəbər verir ki, 1 924 seçki məntəqəsində 1 milyon 394 min 682 bülletenin hesablanmasının nəticələrinə görə siyasi qüvvələrin topladığı səslər belədir:
- "Vətəndaş Müqaviləsi" Partiyası — 50,04% (689 675 səs)
- "Güclü Ermənistan" Bloku — 23,33% (321 597 səs)
- "Ermənistan" Bloku — 9,85% (135 808 səs)
- "Çiçəklənən Ermənistan" Partiyası — 3,98% (54 900 səs)
- "Birliyin Qanadları" Partiyası — 2,28% (31 465 səs)
- "Demokratiya, Qanun və İntizam" Partiyası — 1,81% (24 981 səs)
- Ermənistan Meritokratiya Partiyası — 2,07% (28 590 səs)
- "Hamısına Qarşı" Partiyası — 1,46% (20 064 səs)
- "Yeni Güc" Partiyası — 1,72% (23 696 səs)
Digər siyasi qüvvələrin hər biri 1 faizdən az səs toplayıb.
MSK-nın məlumatına görə, seçkilərdə 1 milyon 476 min 597 seçici iştirak edib ki, bu da səsvermə hüququ olan vətəndaşların 58,97 faizinə bərabərdir.
Qeyd edək ki, "Vətəndaş Müqaviləsi" partiyası 50%-dən az səs toplasa, Baş nazir seçmək hüququ parlamentə keçmiş müxalifət partiyalarının əlinə keçə bilər.
