İsrail İranın cənub-qərbində yerləşən Bəndər-Mahşəhrdəki neft-kimya kompleksinin ərazisinə zərbələr endirib.
Modern.az xəbər verir ki, bu barədə İsrail ordusu məlumat yayıb.
Bildirilib ki, zərbələr Hərbi Hava Qüvvələri tərəfindən hərbi kəşfiyyat idarəsi (AMAN) ilə koordinasiyalı şəkildə həyata keçirilib.
“Bir müddət əvvəl Hərbi Hava Qüvvələri AMAN-ın rəhbərliyi altında İranın cənub-qərbindəki Mahşəhr neft-kimya kompleksinin ərazisində yerləşən bir sıra obyektlərə zərbələr endirib. Əlavə təfərrüatlar daha sonra açıqlanacaq”, – məlumatda qeyd olunub.
