Almaniya 2029-cu ilədək Rusiyanın mümkün hücumuna hazırlaşmalıdır.
Modern.az xəbər verir ki, bunu Almaniya Quru Qoşunlarının komandanı general-leytenant Kristian Freydinq “Politico” nəşrinə müsahibəsində bildirib.
Onun sözlərinə görə, bu müddət Almaniyanın proqnozları deyil. Bu, NATO ilə razılaşdırılmış kəşfiyyat məlumatlarıdır.
“Bütün 32 NATO müttəfiqi təsdiqləyir ki, Rusiya 2029-cu ildə NATO ölkələrindən birinə müdaxilə etmək qabiliyyətindədir”, — general qeyd edib.
Bununla yanaşı, o, Rusiyanın daha əvvəl də addım ata biləcəyi barədə xəbərdarlıq edib.
“Biz döyüşə hazır olmalıyıq”, — Freydinq əlavə edib.
