Venesuelada bu həftənin əvvəlində baş verən dağıdıcı zəlzələlərin nəticələrinin aradan qaldırılması üçün beynəlxalq yardım davam edir.
Modern.az xəbər verir ki, BMT-nin Humanitar Məsələlərin Koordinasiyası Ofisinin (OCHA) sözçüsü Yens Lerke bildirib ki, indiyədək 16 ölkədən təxminən 1000 xilasedici Venesuelaya göndərilib.
Onun sözlərinə görə, İtaliya, Kolumbiya, Meksika, El Salvador, ABŞ, Çili və İsveçrədən olan axtarış-xilasetmə qrupları artıq ölkəyə çatıb. Yaxın günlərdə isə Böyük Britaniya, Almaniya, İordaniya, İspaniya, Qətər, Niderland, Fransa, Çexiya və Ekvadordan da xilasedici qrupların Venesuelaya gəlməsi gözlənilir.
Yens Lerke həmçinin qeyd edib ki, BMT-nin Humanitar İşlərin Koordinasiyası Ofisi ölkəyə təcili yardım göstərilməsi məqsədilə fövqəladə hallara cavab fondundan 15 milyon ABŞ dolları ayırıb.
Xatırladaq ki, Venesuelada baş verən güclü zəlzələlər nəticəsində azı 235 nəfər həyatını itirib, 4300-dən çox insan yaralanıb. Ən çox zərər çəkən bölgələrdən biri fəlakət zonası elan edilən La Quayra ştatıdır. Hazırda dağıntılar altında qalan şəxslərin axtarışı və dəymiş ziyanın qiymətləndirilməsi işləri davam etdirilir.
