Fransa parlamenti Karib dənizində yerləşən Sen-Marten (Sint-Marten) adasında Niderlandla quru sərhədini ilk dəfə rəsmi şəkildə müəyyən edən sazişi təsdiqləyib.
Modern.az xarici KİV-ə istinadən xəbər verir ki, ada hələ 1648-ci ildə iki dövlət arasında bölüşdürülsə də, sərhəd xətti təxminən dörd əsr ərzində yalnız faktiki olaraq mövcud olub və hüquqi baxımdan tam dəqiqləşdirilməyib.
2023-cü ilin mayında imzalanan saziş Fransa xarici ərazisi ilə Niderlandın muxtar hissəsi arasında dəqiq quru sərhədlərini müəyyən edir. Sənəd Niderland parlamenti tərəfindən də ratifikasiya olunduqdan sonra qüvvəyə minəcək.
