İsrail Müdafiə Qüvvələri (IDF) Livanın cənubunda Hizbullah tərəfindən atəşkəsin kobud şəkildə pozulduğunu əsas gətirərək, bölgəyə dəqiq zərbələr endirib.
Modern.az xəbər verir ki, bu barədə IDF məlumat yayıb.
IDF-nin məlumatına görə, zərbələrdən əvvəl Livanın cənubundakı Mansuri kəndinin sakinlərinə təxliyə xəbərdarlığı edilib. Kənd İsrail ordusunun nəzarətində olan təhlükəsizlik bufer zonasında yerləşir.
İsrail hərbçiləri bildiriblər ki, Livan ordusunun müşayiəti ilə mülki şəxslər Mansuri kəndinə daxil olub və hərbçilər burada razılaşmaların şərtlərini pozaraq yol-nəzarət məntəqəsi qurublar.
IDF qeyd edib ki, bölgədə hərbi əməliyyatlar davam etdiyi üçün sakinlərin təhlükəsizliyi məqsədilə kənd boşaldılıb.
İsrail ordusu Hizbullahın atəşkəsi hansı konkret hərəkətlə pozduğuna dair hələlik əlavə məlumat açıqlamayıb.
