Ermənistan prezidenti Serj Sərkisyan ölkəsinin Türkiyə ilə diplomatik-siyasi əlaqələrinin qurulmasını özündə ehtiva edən Sürix protokollarından söz açıb.
Modern.az saytının məlumatına görə Serj Sərkisyan bu barədə “CNN Türk”ə açıqlamasında danışıb. O bildirib ki, türklər və ermənilər bu bölgədə qonşudurlar: “Qonşu olmağı biz seçmədik. Protokolları türklər təsdiqləsəydi, hər şey fərqli olacaqdı”,-deyə o söyləyib.
Serj Sərkisyan deyib ki, protokolların Ermənistan parlamentindən geri çağırılması Türkiyəyə verilən siyasi mesaj idi:
"Biz imzalamadıq, Türkiyə təsdiqləsə, biz də təsdiqləyəcəyik".
Ermənistan prezidenti Türkiyənin baş naziri Əhməd Davudoğlunun 1915-ci il hadisələrinə görə ermənilərə başsağlığı verməsinə də münasibət bildirib.
O bunu, beynəlxalq ictimaiyyət üçün verilən açıqlama kimi dəyərləndirib.
“Ümid edirəm ki, 24 apreldə prezident Rəcəb Tayyib Ərdoğan daha güclü bir bəyanat verər və bununla da, münasibətlər normallaşar”.
Aqşin Kərimov
