İsrailin Baş naziri Benyamin Netanyahu İran hakimiyyətini devirmək, Həmas-ı məhv etmək və “Hizbullah”a qarşı əməliyyatları davam etdirmək niyyətində olduqlarını açıqlayıb.
Modern.az yerli KİV-ə istinadən xəbər verir ki, Netanyahu bu barədə İsrailin daxili təhlükəsizlik xidməti “Şin Bet” əməkdaşlarının mükafatlandırılması mərasimində çıxış edərkən danışıb.
O bildirib ki, İsrail Həmas-ı məhv edəcək və əsas hədəflərdən biri İran hakimiyyətinin devrilməsi olacaq.
“Biz Həmas-ı məhv edəcəyik və ilk növbədə İrandakı rejimi məğlub edəcəyik. Onu devirəcəyik. O, süqut edəcək”, - Netanyahu deyib.
İsrail hökumətinin başçısı həmçinin 2023-cü il oktyabrın 7-də HƏMAS-ın rəhbərliyi ilə həyata keçirilən hücumda iştirak edən şəxslərin təqibinin davam etdiriləcəyini bildirib.
O, həmçinin “Hizbullah”a qarşı mübarizənin də davam etdiriləcəyini vurğulayıb.
