Əfqanıstan polisi parlamentin aşağı palatasına hücum edən “Taliban” hərəkatının 6 yaraqlısını məhv edib. Modern.az-ın xarici KİV-ə istinadən verdiyi xəbərə görə, hücum zamanı 21 dinc sakin yaralanıb, onlardan 5-i qadın, 3-ü uşaqdır.
“Taliban”ın boynuna götürdüyü hücum paytaxt Kabilin Darul Aman məhəlləsindəki parlamentin aşağı palatasının deputatları növbəti iclas üçün yığışanda başlayıb. Məlumatda qeyd edilir ki, xüsusi xidmət orqanları parlamentarları və jurnalistləri binadan sağ-salamat çıxara biliblər.
Modern.az
