Fövqəladə Hallar Nazirliyinin “112” qaynar telefon xəttinə Şirvan suvarma kanalının İsmayıllı rayonunun Qubaxəlilli kəndindən keçən hissəsində 1 nəfərin batması barədə məlumat daxil olub.
Nazirliyin mətbuat xidmətindən Modern.az-a verilən xəbərə görə, məlumatla əlaqədar dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri əraziyə cəlb edilib.
2003-cü il təvəllüdlü Məhərrəmov Rəvan Vaqif oğlunun meyiti dalğıc-axtarış qrupu tərəfindən suda tapılıb çıxarılaraq aidiyyəti üzrə təhvil verilib.
***
18:12
İsmayıllıda bədbəxt hadisə baş verib.
Modern.az xəbər verir ki, rayonun Qubaxəlilli kəndində 23 yaşlı Rəvan Məhərrəmov su kanalında batıb.
Hadisə yerinə İsmayıllı rayon hüquq-mühafizə orqanları əməkdaşları cəlb olunub.
Hazırda onun axtarışları davam etdirilir.
