Türkiyənin paytaxtı Ankarada təlim helikopteri qəzaya uğrayıb.
Modern.az xəbər verir ki, hadisə Ankaranın Sincan rayonunun Temelli ərazisində baş verib.
Məlumata görə, təlim məqsədilə uçuş həyata keçirən helikopter tarlaya düşüb. Hadisə yerinə çoxsaylı xilasedici, polis və təcili tibbi yardım briqadaları cəlb olunub.
İlkin məlumata əsasən, qəza nəticəsində 2 nəfər yaralanıb. Yaralıların vəziyyəti və qəzanın başvermə səbəbi ilə bağlı araşdırma aparılır.
