Futbol üzrə 2026-cı ilin Dünya Çempionatında 1/16 finalın oyunları davam edir.
Modern.az xəbər verir ki, gecə saatlarında baş tutan maraqlı oyunda Portuqaliya Xorvatiya ilə qarşılaşıb.
Gərgin keçən matçda Portuqaliya 2:1 hesabı ilə qələbə qazanıb.
Qolları Portuqaliyadan Ronaldo və Ramos, Xorvatiyadan isə Perişiç vurub. Əvvəlcə hesabı 53-cü dəqiqədə xorvatiyalılar açıblar. İvan Perişiç fərqlənib. 68-ci dəqiqədə Portuqaliya seçməsinin kapitanı Kriştianu Ronaldu penaltini dəqiq yerinə yetirərək oyunda tarazlığı bərpa edib. Qələbə qoluna isə 90+4-cü dəqiqədə Qonsalu Ramoş imza atıb.
Bu qələbə sayəsində Ronaldonun komandası 1/8 finala adlayıb. Portuqaliya 1/8 finalda İspaniya ilə oynayacaq.
