Azərbaycan I Liqa təmsilçisi "Səbail" klubuna transfer qadağası qoyulub.
Modern.az İdmanxeber.az-a istinadən xəbər verir ki, buna səbəb "dənizçilər"in futbolçusu Mustafa Yakubuya qarşı maliyyə öhdəliyini yerinə yetirə bilməməsidir. Problemi həll edilməyən oyunçu FIFA-ya müraciət edib.
Ali futbol qurumu Yakubunun şikayətini araşdırdıqdan sonra onu haqlı sayıb və "Səbail"ə transfer cəzası verib. "Dənizçilər" bu müddətdə bir neçə yeni futbolçunun keçidini açıqlasalar da, cəza səbəbindən onları qeydiyyatdan keçirə bilməyiblər.
Yeni rəhbərliklə növbəti mövsümdə iddialı olması gözlənən klub Mustafa Yakubuya qarşı öhdəliyini yerinə yetirə bilməsə, çətin vəziyyətdə qalacaq.
