Fransa millisinin yeni baş məşqçisi müəyyənləşib.
Modern.az xəbər verir ki, Fransa Futbol Federasiyası yığmanın baş məşqçi postuna Zinəddin Zidanın təyin olunduğunu açıqlayıb.
Məlumata görə, tərəflər arasında müqavilə imzalanıb. Zidan Fransa milli komandasını qarşıdakı rəsmi oyunlara hazırlayacaq.
Qeyd edək ki, 53 yaşlı mütəxəssis məşqçilik karyerası ərzində İspaniyanın "Real Madrid" klubuna rəhbərlik edib. Onun rəhbərliyi altında Madrid təmsilçisi üç dəfə ardıcıl UEFA Çempionlar Liqasının qalibi olub. Zidan son olaraq 2021-ci ildə "Real Madrid"i çalışdırıb.
