Türkiyənin Kocaeli şəhərində güləş üzrə Hasan Gemici və Qazanfer Bilgenin xatirə turnirinə start verilib.
Modern.az xəbər verir ki, ilk yarış günündə sərbəst güləşdə 57, 70, 86 və 125, yunan-Roma güləşində isə 55, 67, 82 və 130 kiloqramda qaliblər müəyyənləşib.
Ənənəvi turnirdə Azərbaycanın 4 təmsilçisi fəxri kürsüyə qalxıb. Sərbəst güləşdə Xetaq Karsanov (125 kiloqram) gümüş, Ramik Heybətov (70 kiloqram) isə bürünc medal qazanıb.
Yunan-Roma güləşində isə 130 kiloqramda yer alan milli üzvləri ilk “3-lük”də yer alıblar. Sərxan Məmmədov gümüş, Beka Kandelaki isə bürünc medala sahib çıxıb.
Yarışa sabah yekun vurulacaq.
