Arxiv
3 Oktyabr 2016, 14:10 | HADİSƏ
Məhərrəmlikdə "toy davası” BAŞLADI

 

Bu gündən etibarən Məhərrəm ayı başlayıb. Bu ayın başlanması ilə də Azərbaycanda ənənəvi olaraq “toy edəkmi, etməyəkmi” sualı ətrafında müzakirələrə start verilib.

 

İllərdir vahid cavabını tapmayan suallarla bağlı Qafqaz müsəlmanları İdarəsinin (QMİ) səlahiyyətli nümayəndəsi, Məşədi Dadaş məscidinin imam-camaatı Hacı Şahin Həsənli və ilahiyyatçı Elşad Miri Modern.az-a açıqlamalarında bir-birinə zidd fikirlər səsləndirib.

 

“Yaxınını itirən toy havasında olmaz”

 

QMİ rəsmisi Hacı Şahin deyib ki, Məhərrəm ayında toy, şadlıq mərasimlərinin keçirilməsi qadağa və əmr çərçivəsindən kənarda olan məsələdir:

 

“Bu qəlblə bağlıdır. Bu ay İmam Hüseyn əleyhissəlamın şəhid olduğu aydır Məsumlar tərəfindən bu ayda bizə əzadarlıq və matəm əhval-ruhiyyəsində olmaq tövsiyə olunur. Şəriət nöqteyi-nəzərindən toy mərasimlərinin keçirilməsi qadağan olunmayıb. Amma bilirik ki, yaxın adamını itirən bir şəxs bayram etməz.

 

Bu əzadarlığı xalqımız əsrlər boyu yaşadır və adətdir ki, Məhərrəm, Səfər aylarında toy edilməyib. Azərbaycanda məzhəbindən asılı olmayaraq hər kəs buna əməl edir. Ona görə də hesab edirəm ki, bu məsələ ilə bağlı əmr və qadağaların olması zəruri deyil.

İmam Hüseynin və Kərbəla şəhidlərinin ruhuna hörmət əlaməti olaraq vacibdir ki, bu iki ayda toy və şadlıq mərasimləri keçirilməsin”.

 

“Bu ayda şadlıq edənlər haqq yolunu azıb”

 

Ş.Həsənli insanlar arasında yayılan “Məhərrəm ayında toy etsəm, xoşbəxt olmaram” kimi fikirlərə də münasibət bildirib:

 

“Hədislərdə qeyd olunur ki, Aşura günü sevinən, şadlıq edən şəxslər həqiqət yolunda olmayanlardır. İmam Hüseyn və Kərbəla şəhidlərinin düşmənləri onların qətlindən sonra bayram etdilər. Ona görə də bəşər tarixində misli görünməmiş faciənin baş verməsi zamanı şadlıq mərasimi keçirmək düzgün deyil və insanların burada ehtiyat etməsi təbiidir”.

 

“İstəyən Məhərrəm ayında toy etsin”

 

İlahiyyatçı Elşad Miri isə Hacı Şahinin əksinə olaraq bu ayda toy keçirilməməsinə qarşı çıxıb:

 

““20 Yanvar” da bizim çox sayda insanımız qətlə yetirilib və şəhid olub. Həmin gün ölkəmizdə hüzn kimi qeyd olunur. Əgər bütövlükdə yanvar ayında toy keçirilirsə, Məhərrəm ayında nədən keçirilməsin?!

 

Bundan başqa Məhəmməd peyğəmbərimizdən əvvəl Zəkəriyyə peyğəmbər, Yəhya peyğəmbərlər olub. Allah onların öz xalqı tərəfindən qətlə yetirildiyini bildirir.

O zaman sual edirəm: Məhəmməd peyğəmbərin Zəkəriyyə peyğəmbərin öldürülməsilə bağlı bircə dənə əmr, göstəriş, xahişi, tövsiyəsi varmı? Xeyr, yoxdur. İslam dini 632-ci ildə Peyğəmbərin vəfat etməsi ilə Allahın insanlara göndərdiyi elçilik missiyası, Qurani-Kərim tamamlanıb. Bundan sonra gələnlər sadəcə tarixdir. İstəyən toyunu etsin, istəməyən etməsin. Edənə də, etməyənə də hörmətlə yanaşmaq lazımdır. Bu hansısa dini vacibatdan irəli gəlmir”.

 

“Bunlar sadəcə uydurmalardır”

 

E.Miri deyib ki, Məhərrəm ayında insanların toy etməkdən çəkinməsini doğru saymır.

 

“Qorxulması gərəkən şey insanlara zərər verməkdir. Çünki, İslamda da belə şeylər yoxdur. Filan günü filan şey etmək olmaz, toy etmək olmaz, filan gün yola çıxsan ayağına tikan batacaq və s. Bu, bürclər, fallarla məşğul olanların uydurması və sadəcə əsası olmadan ortaya atılan iddialardır”.

 

Gülşən RAUFQIZI

 

BU KATEQORİYADAN OLAN DİGƏR XƏBƏRLƏR
+ Arxiv
"Spartak" azərbaycanlı futbolçunu qovdu - SƏBƏB 26 May 2020, 00:52 Yapon kosmik yük gəmisindən uğurlu əməliyyat 26 May 2020, 00:36 Çempionlar Liqasının 10 ən yaxşı baş məşqçisi - SİYAHI 26 May 2020, 00:20 Bakıda motosiklet avtomobilə çırpıldı: 1 ölü 26 May 2020, 00:03 Bakıda mağazalara girib bütün borcları ödədilər - VİDEO 25 May 2020, 23:46 Prezident Pir Ömər Sultan ziyarətgahında - YENİLƏNİB, FOTO 25 May 2020, 23:30 Bu ölkədə son sutkada daha 90 nəfər koronavirusdan ölüb 25 May 2020, 23:28 Əli Kərimlinin köməkçisi həbs olundu 25 May 2020, 23:13 Gəncədə avtomobil quyuya düşdü 25 May 2020, 22:59 Goranboyda polis əməkdaşı intihar etdi 25 May 2020, 22:43 Balakənə dolu düşdü 25 May 2020, 22:30 Britaniyada koronavirusdan bir sutkada 121 nəfər öldü 25 May 2020, 22:19 Bakıda ağır qəza 25 May 2020, 22:08 Repçi anası ilə birgə yanaraq öldü 25 May 2020, 21:53 Prezident Şamaxıda tikilən yeni bina ilə tanış oldu - YENİLƏNİB 25 May 2020, 21:42 Türkiyədə koronavirusdan ölənlərin sayı 4 369 nəfərə çatdı 25 May 2020, 21:32 İlham Əliyev və Mehriban Əliyeva körpələr evinin açılışında - YENİLƏNİB 25 May 2020, 21:14 Azərbaycanda koronavirusla bağlı son STATİSTİKA - FOTO 25 May 2020, 21:08 Qazaxda ikimərtəbəli ev yandı 25 May 2020, 21:01 “Əsas məsələ insanların sağlamlığı və təhlükəsizliyidir” - İlham Əliyev 25 May 2020, 20:47 Prezident və birinci xanım Şamaxıda Pirsaat Baba ZİYARƏTGAHINDA - YENİLƏNİB 25 May 2020, 20:33 Daha bir ölkədə teatrlar açılır 25 May 2020, 20:16 Jurnalist iki xalq şairi ilə bağlı TƏKLİF irəli sürdü 25 May 2020, 20:09 Naxçıvan-Bakı aviareyslərinin açılması ilə bağlı müraciət edildi 25 May 2020, 20:02 Keçmiş səfir Elmar Məmmədyarovu müdafiə etdi: “Vicdanınız olsun, montajdır!” - VİDEO 25 May 2020, 19:57 Gürcüstan Azərbaycandan alacağı təbii qazın həcmini azaltdı 25 May 2020, 19:41 Putinin mətbuat katibi koronavirusdan sağaldı 25 May 2020, 19:13 Bu rayonlarda yağış yağır 25 May 2020, 18:54 “Münasibətlərimizin yüksək səviyyədə olmasından fərəh duyuram” - Lukaşenko 25 May 2020, 18:41 Səudiyyə Ərəbistanında daha 2235 nəfər virusa yoluxdu 25 May 2020, 18:16 Tovuzda maşın aşdı - xəsarət alan var 25 May 2020, 17:59 Orduda ən yaxşı kəşfiyyat qrupu məlum oldu 25 May 2020, 17:47 Azərbaycanda korrupsiya və rüşvətxorluqla kompleks mübarizə aparılır 25 May 2020, 17:39 Biləsuvarda qoyun oğrusu saxlanıldı 25 May 2020, 17:23 İlham Əliyev Şamaxıda TAPŞIRIQ VERDİ 25 May 2020, 16:54