Modern.az xəbər verir ki, Azərbaycan Jurnalistlər Birliyi “Regional Mediada İnformasiya Mənbələrinin  Şəffafliği”  mövzusunda sorğu keçirib. Sorğu cənub bölgəsi üzrə beş rayonda fəaliyyət göstərən KİV-lərdə calışan 25 jurnalist arasında kecirilib.  “Calışdığınız KİV-in rayonun icra strukturları ilə münasibətləri necədir?” sualını respondentlərin  20 faizi “ yaxşı”, 53 faizi “ normal” 26 faizi “ arzuolunan səviyyədə deyil” kimi cavablandırıb. “İcra strukturlarında informasiya məsələləri üzrə vəzifəli və ya məsul şəxs varmı?” sualına jurnalistlərin 60 faizi “bəli”, 40 faizi isə “xeyr” cavabını verib. “İnformasiyanı necə əldə edirsiniz?” sualına jurnalistlərin 13,3 faizi  “Müvafiq icra orqanlarından alıram” deyib, 20 faizi “etibarlı mənbələrimdən əldə edirəm” bildirib, 53,3 faiz isə “daha çox şəxsi münasibətlərdən asılıdır”kimi cavablandırıb. Jurnalistlərin 40 faizi hesab edir ki,   “İnformasiya alarkən ayrı-seçkilik təzahürlərinə məruz qalırlar”, 40 faizi əksinə düşünür, 20 faiz isə hesab edir ki “müstəqil mətbuata informasiya vermirlər”. “İşlədiyiniz rayonda icra strukturları ilə bağlı sənədlərlə tanış olmaq imkanı varmı?” sualına jurnalistlərin 26,6 faizi “bəli”, 46,6 faizi “ xeyr”, 26,6 faiz “cətinliklə bəzi sənədlərlə tanış olmaq imkanı yaradılır” kimi cavab verib. Rəyi soruşulanlarin 53,3 faizi  “İnformasiya vermədikləri təqdirdə icra orqanlarını məhkəməyə verməyə cəhd etmisinizmi?” sualına “xeyr” cavabını verib. 26,6  faiz “bunun mənası yoxdur”, 20  faiz isə “münasibətlərin pozulmasını istəmirəm” deyib.