22 Sentyabr 2020, Çərşənbə axşamı
Arxiv
28 İyun 2019, 09:53 | İQTİSADİYYAT
“Hamı düşünürdü ki, yeni sədr bu işlərin öhdəsindən necə gələcək” - Şura üzvlərindən AÇIQLAMA

Qaçqınların və Məcburi Köçkünlərinin İşləri üzrə Dövlət Komitəsinin rəhbərliyinin dəyişməsindən bir ildən çox vaxt keçir.  Bu müddətdə xeyli işlər görülüb, paytaxtda və bölgələrdə yeni köçkün şəhrəciklərinin açılışı gerçəkləşib.


Bəs Komitənin son bir ildəki fəaliyyəti necə qiymətləndirilir?


Modern.az saytı bununla bağlı Komitə yanında İctimai Nəzarət Şurasının üzvlərinin fikirlərini öyrənib. 

 

Şuranın üzvü, Mətbuat Şurası sədrinin müavini Umud Rəhimoğlu öncə xatırladıb ki, komitənin sədri Rövşən Rzayev özü də işğal olunmuş region təmsil edir:


“Onu çoxdan tanıyırıq. Qaçqın və məcburi köçkünlərlə bağlı problemlərin içərisində qovrulub bişən birisidir. Xatırlayıram ki, İctimai Şura formalaşarkən ilk görüşümüzdə Rövşən müəllim belə ifadə işlətdi: “Mən sizə kişi sözü verirəm ki, imkanım çatdığı qədər çalışacam ki, yeni komandamız tam ədalətlə, şəffaf işləsin”. O, verdiyi sözün üzərində elə kişi kimi də dura bildi. Biz İctimai Şura olaraq, tez-tez toplaşmağa çalışır və komitənin fəaliyyətində yaxından iştirak edirik”.


U.Rəhimoğlu qeyd edib ki, ictimai şuranın üzvləri Bakıda və Sumqayıtda, eləcə də digər regionlarda məcburi köçkünlərin həyat şəraiti ilə tez-tez tanış olurlar:


“Mənzillərin bölüşdürülməsi, köçkünlərə yönəlik sosial problemlərin həlli məsələlərində Şura üzvləri həmişə prosesin içərisindədirlər. Hesab edirəm ki, “Dövlətqaçqınkom”un son 1 ildəki fəaliyyəti cəmiyyətimiz, dövlətimiz üçün çox faydalı olub”.


“Xankəndi-Məcburi Köçkünlərə Dəstək” ictimai birliyinin sədri Xatirə Vəliyeva bildirib ki, “Dövlətqaçqınkom”un hazırkı fəaliyyətindəki şəffaflıq açıq-aydın hiss olunur:


“Mən İctimai Şurada təmsil olunduğuma görə, bunu əminliklə deyirəm. Məsələn, biz köçkünlərin məskunlaşdığı yataqxanalara getmişdik. İnsanlarda sanki bir növ inamsızlıq, qorxu, fobiya var idi ki, pul alıb, ev verəcəklər. Köçkünləri ev almaq üçün heç bir məbləğ ödəməyəcəkləri haqqında maarifləndirməyə çalışdıq. Hətta nömrələrimizi verdik ki, onlardan pul tələb edildiyi təqdirdə bizimlə əlaqə saxlasınlar. Həqiqətən də sakinlərdən pul alıb, ev vermək vədi ilə aldadan dələduzlar olub. Həmin şəxslər “Qaçqınkom”un adını ləkələməyə çalışıblar. Belə əməllərin qarşısı vaxtında alındı”.


Xatirə Vəliyevanın sözlərinə görə, Dövlət Komitəsinin fəaliyyətinə nəzarət üçün jurnalistlərin, qeyri-hökumət təşkilatları nümayəndələrinin dəvət olunması qurumun sosiallaşması istiqamətində müsbət addımdır:


“Elə bir məcburi köçkün ola bilməz ki, komitəyə ünvanladığı sualın cavabsız qaldığını iddia etsin. “Qaçqınkom”un sosial şəbəkə hesablarında, əlaqə nömrələrində ciddi aktivləşmə var və bütün müraciətlərə baxılır”.


“Dövlətqaçqınkom” yanında İctimai Şuranın digər üzvü, “Konstitusiya” Araşdırmaları Fondunun rəhbəri Əliməmməd Nuriyev də komitənin yeni rəhbərlik dönəmindəki fəaliyyətindən razılıq edib:


“Qaçqın və məcburi köçkünlərin problemləri birbaşa, yeni yanaşmalar tətbiq edilərək həll olunur. Rövşən Rzayev bu işlərin öhdəsindən uğurla gəlir. “Qaçqınkom” sədri bütün qaçqın və məcburi köçkünlərin problemləri ilə yaxından tanış olur, onları birbaşa dinləyib, tapşırıqlar verir. O, qəbulları açıq şəkildə, geniş miqyasda həyata keçirdi. Rövşən müəllim praktikanı dərindən öyrənərək, ölkə başçısının onun qarşısına qoyduğu məsələləri yerinə yetirməyə çalışdı. Onun təyinatına qədər qurumun fəaliyyətində ciddi narazılıq var idi. Qaçqın və məcburi köçkünlərə verilən evlərin bölüşdürülməsi məsələsində problemlər qalırdı. Bu sahədə dələduzların fəaliyyətini məhdudlaşdırmaq üçün “Qaçqınkom”un yeni rəhbərliyi şəffaflığı təmin edə bildi.

 

Məcburi köçkünlərin məskunlaşması üçün yeni binaların tikilməsi ən vacib məsələlərdən biridir. Burada xüsusi məqam obyektivliyin təmin edilməsi oldu. Bərbad yataqxanalarda qalanların yeni evlərə köçürülməsi istiqamətində mühüm işlər görülüb. Ən əsası komitə artıq qaçqın və məcburi köçkünlərin inamını, etimadını qazana bilib. Hər bir vətəndaş üçün “açıq qapı” prinsipi, sədrlə birbaşa görüş imkanı yaradılıb”.


Ə.Nuriyev onu da əlavə edib ki, komitənin fəaliyyətində daha bir yenilik ictimai nəzarətin təmin olunmasıdır:


“Bütün bunlar göstərir ki, Komitə sədri qurum işini aktiv qurmağa çalışır və hətta buna nail olub”.


Qarabağ qazisi, jurnalist Rey Kərimoğlu da “Dövlətqaçqınkom”un son 1 ildəki fəaliyyətini yüksək dəyərləndirib:


“Mən hər zaman obyektivliyin tərəfdarı olmuşam. Rövşən Rzayev komitə sədri təyin ediləndən indiyə qədər vicdanı, qanı-canı ilə çalışır. O, obyektivliyi təmin etməyə, məcburi köçkünlərin problemlərinə can yandırmağa çalışır. Onun kimi insanların vəzifəyə qoyulmağını arzu edərdim.

Azərbaycanda ən ağır sahə köçkünlərin problemləri, onlarla məşğul olmaqdır. Sevindirici haldır ki, Rövşən Rzayev bu işin öhdəsindən gələ bilir. Adam hansısa problemi  aradan qaldırmağa can yandırır. Ümid edirəm ki, Rövşən müəllimin fəaliyyəti nəticəsində “Qaçqınkom”un əvvəlki dövründə mövcud olan nöqsanlar tamamilə aradan qalxacaq”.


“Zəfər” Şəhid ailələrinə dəstək İctimai Birliyinin rəhbəri, Aprel şəhidi Raquf Orucovun həyat yoldaşı Sevinc Alıyevanın sözlərinə görə, Rövşən Rzayev “Dövlətqaçqınkom”a sədr təyin olunanda hamının bir düşüncəsi var idi – o, ən çətin sahəyə gətirilir:


“Hər kəs düşünürdü ki, yeni sədr bu işin öhdəsindən necə gələcək. Onun əksəriyyəti gənclərdən ibarət olan peşəkar komandası böyük işlər görə bildi. Biz hər ay komandanın yeniliklərini, siyasətinin dəyişdiyini gördük. İnsanlar artıq “Qaçqınkom”a istədiyi kimi gəlib, əlaqə yarada bilirlər. Sədrin qaçqın və məcburi köçkünlərlə mütəmadı görüşləri, onlarla ünsiyyəti göstərdi ki, Rövşən Rzayev işinin öhdəsindən layiqincə gələ bilir. Problemlər çoxdur. İndiyə qədər yığılıb qalmış problemlərin hamısının cəmi 1 ildə həllini Rövşən müəllimdən gözləsək, ədalətsizlik olar. Əsas odur ki, o problemləri həll etməyə çalışır və daim köçkünlərlə bir yerdədir. Mənə elə gəlir ki, “Qaçqınkom”un bundan sonrakı fəaliyyətində daha yaxşı işlərə şahidlik edəcəyik”.

BU KATEQORİYADAN OLAN DİGƏR XƏBƏRLƏR
+ Arxiv
Prezident və birinci xanım yeni təcili yardım maşınları ilə tanış olublar 22 Sentyabr 2020, 12:42 Xalq artistinin oğluna XİN-də yeni vəzifə verildi 22 Sentyabr 2020, 12:38 Məhkəmə Eldar Həsənovla bağlı QƏRAR VERDİ 22 Sentyabr 2020, 12:33 Nazirlik min manata görə öldürülən şəxslə bağlı MƏLUMAT YAYDI 22 Sentyabr 2020, 12:28 İlham Əliyev Səudiyyə Kralına məktub göndərdi 22 Sentyabr 2020, 12:22 AMEA-dan yaşı 65-i ötmüş işçilərlə bağlı AÇIQLAMA 22 Sentyabr 2020, 12:16 Prezident sərəncam İMZALADI 22 Sentyabr 2020, 12:10 Ermənistan müdafiə naziri Qarabağa gəldi 22 Sentyabr 2020, 12:06 Ceyhun Bayramov protokol idarəsinə yeni rəis TƏYİN ETDİ 22 Sentyabr 2020, 12:00 Koronavirusa görə bağlanan bazar yenidən AÇILDI 22 Sentyabr 2020, 11:55 Ermənistan müxalifəti ümumrespublika mitinqinə HAZIRLAŞIR 22 Sentyabr 2020, 11:50 Gürcüstandan bəzi türk dövlətlərinə NÜMUNƏ: Yerevanın istəyini rədd edib 22 Sentyabr 2020, 11:44 Bakı metrosunda növbəti nasazlıq - İnterval artdı 22 Sentyabr 2020, 11:38 Elmar Qasımov BANM-ə qəbul olan tələbələrlə görüşüb 22 Sentyabr 2020, 11:33 Silvestr Stallone yetim qaldı 22 Sentyabr 2020, 11:28 Naxçıvanda komandirlər hazırlıq toplantısına cəlb olunub 22 Sentyabr 2020, 11:22 “Tarixən ermənilər vətənsiz insanlar olublar” - Deputat 22 Sentyabr 2020, 11:16 “...mənim adım Bobikdir” 22 Sentyabr 2020, 11:10 Azərbaycandan Qazaxıstana daha 46 nəfər təxliyə olundu 22 Sentyabr 2020, 11:05 Azərbaycana daxil olan valyutanın həcmi AZALIB 22 Sentyabr 2020, 11:00 XİN-in həbsdə olan sabiq idarə rəisi ev dustaqlığına buraxılmasını istəyir 22 Sentyabr 2020, 10:54 "Almaniyada Türkologiya" mövzusunda vebinar - Alman professorun təqdimatında 22 Sentyabr 2020, 10:48 Ermənistan Madrid prinsiplərindən imtina edir? 22 Sentyabr 2020, 10:43 İcbari Tibbi Sığorta UNEC-lə memorandum imzaladı 22 Sentyabr 2020, 10:38 Oslo şəhərində Nizami Gəncəvi adına həftəsonu Azərbaycan məktəbi açılıb 22 Sentyabr 2020, 10:32 Daşkəsənin iki böyük metallurgiya müəssisəsi yeni inkişaf dövrünə başlayır 22 Sentyabr 2020, 10:27 Qanunsuz balıq ovlayan şəxs cəzalandırıldı 22 Sentyabr 2020, 10:22 “Alınan mallar geri qaytarılmır” yazanlar 900 manatadək CƏRİMƏLƏNƏCƏK 22 Sentyabr 2020, 10:16 “Məmmədoğulları” şirkəti 2 min manat cərimələndi 22 Sentyabr 2020, 10:10 Xaçmazda meyvə tingləri yandı 22 Sentyabr 2020, 10:05 Metrodakı “maska insidenti” ilə bağlı məhkəmə başladı 22 Sentyabr 2020, 10:00 Dollar günə bu məzənnə ilə BAŞLADI 22 Sentyabr 2020, 09:54 Tarixçi alim: “... hər kəs buna birmənalı olaraq etiraz etməlidir” 22 Sentyabr 2020, 09:50 İctimai nəqliyyata qoyulan şənbə-bazar məhdudiyyəti götürüləcək? - AÇIQLAMA 22 Sentyabr 2020, 09:45 Yollardakı tıxacların SƏBƏBİ nasaz avtomobillərdir - BNA 22 Sentyabr 2020, 09:40