Arxiv
22 İyul 2019, 10:43 | MEDİA
Mediaya açıq məmurlar – Jurnalistlər konkret ad çəkdilər

Bu gün milli mətbuatımızın yaranmasının 144-cü ili qeyd olunur. Azərbaycan mətbuatının keçdiyi bir əsr yarımlıq zamanda medianın kifayət qədər inkişaf etdiyi, böyük uğurlara imza atdığı göz önündədir. Eynilə son illərdə hətta yüksək vəzifə tutan məmurların belə mətbuatla yaxından işləməsi də bu müsbət məqamlar içərisindədir. 

 

Modern.az jurnalist həmkarlarımıza bu sualla müraciət etdi: Mətbuatla ən yaxşı işləyən  məmurlar kimlərdir?

 

 

 

“525-ci qəzet”in baş redaktoru Rəşad Məcid ənənəvi olaraq mətbuatla aktiv işləyən bir neçə məmurun adını çəkib:

 

“Onlar sələflərinin yolunu davam etdirirlər. Məsələn, keçmiş təhsil naziri Misir Mərdanov da mətbuatla yaxşı ünsiyyətdə idi, indiki nazir Ceyhun Bayramov da bu ənənəni qoruyub. Mədəniyyət naziri Əbülfəs Qarayev həmişə mətbuatla yaxın olub. Yeni təyin olunan nazirlərdən əmək və əhalinin sosial müdafiəsi naziri Sahil Babayev media ilə yaxındır. Davamlı tədbirlər keçirir, media ilə ünsiyyətdən çəkinmir. Mən çox məmurların adlarını çəkə bilərəm, sadəcə hələlik ağlıma gələn bunlardır” .

 

“Kaspi” qəzetinin baş redaktoru İlham Quliyev isə  məmurların mətbuatla ünsiyyəti barədə konkret müşahidə aparmadığını diqqətə çatdırıb:

 

“Amma son dövrlər əvvəlki illərlə müqayisədə bu sahədə xeyli irəliləyişlər var. Dövlət orqanlarının mətbuat xidmətinin rəhbəri vəzifəsinə həmkarlarımız təyin edildiyindən, media təmsilçiləri ilə məmurların, nazirlərin, komitə sədrlərinin təmasları rahatlaşıb. Bir çox qurumlar var ki, jurnalistlər rahat şəkildə məmurlarla əlaqə yarada bilirlər.

Mətbuatla ünsiyyətdə olan məmurlar sırasında son zamanlar sıx-sıx adı çəkilən kənd təsərrüfatı naziri İnam Kərimovdur. Media ilə təmasda olur, nazirlik tərəfindən media nümayəndələrinin iştirakı ilə tez-tez media turların təşkil edilir. ASAN Xidmət rəhbəri Ülvi Mehdiyev, xarici İşlər naziri Elmar Məmmədyarov və digər dövlət qurumlarının rəhbərlərinin adlarını aktiv məmurlar sırasında çəkə bilərəm”.

 

“İki sahil” qəzetinin baş redkatoru Vüqar Rəhimzadə bildirib ki, məmurların mətbuatla ünsiyyəti onların rəhbərlik etdiyi qurumların mətbuata nə qədər açıq olub-olmamağı ilə üzə çıxır:

 

“Mətbuatla yaxşı ünsiyyətdə olan qurumlar sırasında SOCAR, Təhsil Nazirliyi, Əmlak Məsələləri üzrə Dövlət Komitəsi, “Azəriqaz” İstehsalat Birliyi, Baş Prokurorluq və s.

Mətbuata açıq nazirlər sırasında isə iqtisadiyyat naziri Şahin Mustafayevin adını qeyd edə bilərəm. Dövlət Sərhəd Xidmətinin rəisi Elçin Quliyev, əmək və əhalinin sosial müdafiəsi naziri Sahil Babayev, ASAN Xidmət rəhbəri Ülvi Mehdiyev, Gömrük Komitəsinin sədri Səfər Mehdiyev, Dövlət Neft Şirkətinin rəhbəri Rövnəq Abdullayev, ekologiya və təbi sərvətlər naziri Muxtar Babayev  və s. adlarını çəkə bilərəm”.

 

Salamnews.az saytının əməkdaşı Orxan Kərimovun fikrincə, son vaxtlar  vəzifəyə təyin olunan məmurlar mətbuata daha açıqdırlar:

“Bununla yanaşı həmişə mətbuata açıq olan məmurlar da var ki, onlar həmişə jurnalistlər tərəfindən rəğbətlə qarşılanıblar. Məsələn, mətbuata açıq olan məmurlardan ekologiya və təbii sərvətlər naziri Muxtar Babayev, Dini Komitənin sədri Mübariz Qurbanlı, Qida Təhlükəsizliyi Agentliyinin sədri Qoşqar Təhməzli, əmək və əhalinin sosial müdafiəsi naziri Sahil Babayev, ASAN Xidmət rəhbəri Ülvi Mehdiyev, kənd təsərrüfatı naziri İnam Kərimov, təhsil naziri Ceyhun Bayramov və s adlarını çəkə bilərəm. Bu məmurlar mətbuata hər zaman açıq olublar və jurnalistlər istədikləri sualları onlara rahat şəkildə verib cavabını ala biliblər”.

 

“Cümhuriyət” qəzetinin redaktoru Elman Cəfərli isə qısaca olaraq bu məmurların adlarını sadalayıb:

 

“Ekologiya və təbii sərvətlər naziri Muxtar Babayev, Dövlət Statistika Komitəsinin sədri Tahir Budaqov, kənd təsərrüfatı naziri İnam Kərimov, Qaçqınların və Məcburi Köçkünlərin işi üzrə Dövlət Komitəsinin sədri Rövşən Rzayev, baş nazirin müavini Hacıbala Abutalıbov, Dövlət Miqrasiya Xidmətinin rəisi Vüsal Hüseynov, Azərbaycan Respublikası Prezidenti yanında QHT-lərə Dövlət Dəstəyi Şurasının sədri Azay Quliyev və s.” 

 

Ayna.az saytının müxbiri Təranə Xudabaxşıyeva da  mətbuatla işləyən məmurların sayının son illər çoxaldığını təsdiqləyir:

 

“Məmurların çox zaman mətbuat katibləri vasitəsilə mətbuatla aktiv ünsiyyətdə olduğunu görürük. Mətbuat katiblərinin media nümayəndələri ilə operativ ünsiyyəti onlara rəhbərlik edən məmurların da mətbuata münasibətinin göstəricisidir. Mətbuatla yaxşı işləyən məmurlar sırasında ASAN Xidmət rəhbəri Ülvi Mehdiyevin, Gənclər və İdman naziri Azad Rəhimovun, Qida Təhlükəsizliyi Agentliyinin rəhbəri Qoşqar Təhməzlinin və digərlərinin adlarını çəkə bilərəm”. 

 

 

“Şərq” qəzetinin redaktoru Ayyət Əhməd sualımıza birbaşa cavab verə bilmədiyini vurğulayıb. Həmkarımız ad çəkməyin çətin olduğunu düşünür:

 

“Amma onu demək mümkündür ki, son zamanlar məmurların mətbuata açılımı müşahidə olunur. Artıq məmurlar peşəkar jurnalistlərdən qaçmırlar, çəkinmirlər. Sadəcə, bir zamanlar bəzi məmurlar qapılarını media nümayəndələrinin üzünə bağladılar və bunun bumeranq effektinin şahidi oldular. Mediadan uzaq düşmək onların da fəaliyyətinə kölgə salırdı. Hətta bəzi məqamlarda media təmsilçilərinin haqlı qəzəbinə tuş gəlirdilər. Bir dövlət qurumu və ya o qurumun rəhbəri şəffaf fəaliyyət göstərirsə, mediadan niyə qaçmalıdır? Jurnalistlərin bu haqlı sualına ən doğru və dolğun cavab onların medianın qarşısına çıxması idi. Şükürlər ki, bu tendensiya artıq cücərməyə başlayıb. Məmurların mediaya açılımını şərtləndirən iki mühüm amil var. Birincisi, son zamanlar vəzifəyə təyin olunanların gənc, sağlam və intellektual kadrlar olmasıdır. İkincisi isə ölkə başçısının mətbuata göstərdiyi diqqət və verdiyi böyük əhəmiyyətdir. Artıq bütün dövlət qurumları media ilə işləməyin fəaliyyətlərinin ayrılmaz tərkib hissəsi olduğunu anlayıblar. Media ölkənin, dövlətin fəaliyyəti, məqsəd və məramına işıq tutan ən güclü platformadır, tribunadır. Bu tribunadan mükəmməl şəkildə faydalanmaq gərəkdir”.

 

Axar.az saytının müxbiri  Turanə Məmmədlinin sözlərinə görə, Bakının keçmiş meri, hazırda Baş nazirin müavini Hacıbala Abutalıbov mediaya ən açıq olan məmurlardandır:

 

“Adam nə vaxt zəng eləsən, açır və dedikləri gündəmə “bomba” kimi düşür. Kənd təsərrüfatı naziri İnam Kərimov, Dövlət Miqrasiya Xidməti (DMX) Xidmət rəisi Vüsal Hüseynov, Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev də mediaya açıq olan məmurlardandır”.

 

BU KATEQORİYADAN OLAN DİGƏR XƏBƏRLƏR
+ Arxiv
Meral Akşənərdən Azərbaycanca təbrik - FOTO 18 Oktyabr 2019, 09:58 Bu ərazilərdə qaz kəsiləcək 18 Oktyabr 2019, 09:49 Ermənilər atəşkəsi 21 dəfə pozdu 18 Oktyabr 2019, 09:42 Kişilər olub e! 18 Oktyabr 2019, 09:37 ABŞ-la Türkiyə Suriya məsələsində razılaşdılar: YPG ərazidən çəkiləcək 18 Oktyabr 2019, 09:35 Fəttah Heydərov: “Tezliklə Qarabağda da belə bayramları qeyd edək!” 18 Oktyabr 2019, 09:34 Gülmirənin dünyası... 18 Oktyabr 2019, 09:30 Mehriban Əliyevadan Dövlət Müstəqilliyi Günü TƏBRİKİ 18 Oktyabr 2019, 09:19 Qlobal Jurnalistlər Şurasının Bakı Bəyannaməsi - Dünya jurnalistlərinə Qarabağla bağlı MÜRACİƏT 18 Oktyabr 2019, 09:03 Niyə bizə zootexnik, baytar, aqronom lazım deyil? - Gələcəyin faydalı ixtisasları barədə nə bilirsiniz… 18 Oktyabr 2019, 08:51 İsveçrənin geniş tərkibli nümayəndə heyəti Azərbaycana gəlir 18 Oktyabr 2019, 08:21 Ermənistan ordusunun son 25 ildə verdiyi İTKİLƏR - 5646 hərbçi ölüb 18 Oktyabr 2019, 08:08 El-Klasiko təxirə salınıb 18 Oktyabr 2019, 00:46 Məşhur idmançımız xəstəxanaya yerləşdirildi - FOTO 18 Oktyabr 2019, 00:20 Müstəqilliyimizin bərpasının 28 illik tarixi... 18 Oktyabr 2019, 00:02 Bakıda sərnişin avtobusu qəza törətdi 17 Oktyabr 2019, 23:47 Azərbaycan nefti bahalaşdı 17 Oktyabr 2019, 23:31 “Qarabağ”ın oyununa 30 min bayraq sifariş verildi   17 Oktyabr 2019, 23:12 “Məmurların əlində oyuncağa çevrilən mətbuat orqanları var” - Umud Mirzəyev 17 Oktyabr 2019, 23:02 Bakıda gənc oğlan itkin düşdü 17 Oktyabr 2019, 22:56 “Türkiyə əməliyyata  fasilə verir” - Çavuşoğlu aydnlıq gətirdi, VİDEO 17 Oktyabr 2019, 22:43 Ramal "Maşın"ı belə tərk etdi - VİDEO 17 Oktyabr 2019, 22:25 ABŞ-la Türkiyə razılaşdı: Suriyada əməliyyatlar dayandırılır - FOTO 17 Oktyabr 2019, 22:13 Bakıda şagird idarəetmə sistemi yaradıldı 17 Oktyabr 2019, 21:48 Azərbaycanda əhalinin sayı 10 035 351 nəfərə çatdı 17 Oktyabr 2019, 21:29 Türkiyənin Suriyada  zərərsizləşdirdiyi  terrorçu sayı 700-ə çatdı 17 Oktyabr 2019, 21:16 Uşaq hüquqları aylığına start verilir 17 Oktyabr 2019, 20:58 Ağstafada itkin düşən qadın Bakıda tapıldı 17 Oktyabr 2019, 20:44 Mətbuat bütün hallarda dövlətin və xalqın milli maraqlarını müdafiə etməlidir 17 Oktyabr 2019, 20:27 Əhalinin gəlirləri 6.7 faiz artıb 17 Oktyabr 2019, 20:16 Azərbaycan - Slovakiya oyununun stadionu dəyişdirildi 17 Oktyabr 2019, 20:01 Lukaşenko: "Rusiya dövlət deyil..." 17 Oktyabr 2019, 19:53 Ərdoğan “görüşməyəcəm” dediyi amerikalı vitse-prezidenti qəbul etdi 17 Oktyabr 2019, 19:34 “Prezident eyhamla söylədi ki, özünüzü yığışdırın” - Dövlət başçısının mesajları kimlərə ÜNVANLADI 17 Oktyabr 2019, 19:29 İstanbulda yeni zəlzələ proqnozlaşdırıldı 17 Oktyabr 2019, 19:24