Sentyabrın 17-də Yerevan məhkəməsi keçmiş prezident Robert Koçaryan barəsində həbs qətimkan tədbirini dəyişməyib.
Modern.az xəbər verir ki, məhkəmə Koçaryanın vəkillərinin bununla bağlı vəsatətini təmin etməyib.
Koçaryan 2008-ci ildə prezident seçkilərinin nəticələrini tanımayan aksiya iştirakçılarına qarşı güc tətbiq edilməsi ilə bağlı konstitusiyanı pozmaqda ittiham olunur.
O zaman prezident seçkisinin nəticələrinə etiraz edənlərə qarşı hərbçilərdən istifadə olunmuş, toqquşmalarda azı 8 nəfər həlak olmuşdu.
2018-ci ilin iyulunda həbs olunan Koçaryan məhkəmə qərarları ilə iki dəfə həbsdən buraxılıb, sonradan prokurorların şikayəti əsasında yenidən həbs olunub.