Arxiv
9 Noyabr 2019, 12:12 |
“Ordum varsa, yurdum var” – Ağdamda düşmənlə üzbəüz BAYRAQ YÜRÜŞÜ

“Bayraq mənliyimdir, bayraq kimliyim Bayraq- öz yurduma, öz hakimliyim”-deyib dahi Bəxtiyar Vahabzadə. O yurda ki, bayraq hakim kəslimədisə, deməli, o yurdun mövcudluğundan əsər-əlamət yoxdur. Bayraq həm də dövlətin var olması deməkdir.

 

Qaça-qaça yeriyən ağdamlılar!

Builki bayraq günündə istiqamətimiz  Ağdam idi. O Ağdam ki, torpağının 70%-dən çoxu işğal olunub, minlərlə şəhid verib, məcburi köçkünləri ölkənin digər yerlərinə səpələnib.

Ağdamın Soltanbud təpəsinə qalxanda insanın daxilinə bir nisgil hakim kəsilir. O təpədən işğal olunmuş ərazilər görünür. Hər bir ağdamlı üçün bu daha ağırdır. Yaşlı insanlar işğal altında qalan torpaqları uzaqdan izləmək yox, üzərində gəzmək, yaşamaq arzusundadır. “Qızım, ən böyük arzum öz torpağıma qayıtmaq, orada canımı tapşırmaqdır. Allah bizi arzularımıza qovuşdursun”-deyir yaşlı müsahibim.

Diqqət etdiyim daha bir  məqam isə ağdamlıların  “Bayraq yürüşü”də daha sürətli yürüş etmələri ilə bağlı idi. Sanki onlar işğal altında qalan torpaqlara pənah aparmağa çalışırdılar. Hər birinin gözlərində qığılcım parıldayırdı.

 

“Bu vətən üçün savaşdıq”

Bir neçə ildir ki, Dövlət Bayraq Günü düşmənlə sərhəd bölgələrdə daha möhtəşəm  təşkil edilir. Təhsil Nazirliyi və Müdafiə Nazirliyinin ənənə halına saldıqları “Bayraq yürüşü” hər kəsi bir araya gətirir. Hərbçilər, keçmiş döyüşçülər, qazilər, sıravi vətəndaşlarla  torpaq və vətən üçün birgə addımlamağın əhəmiyyətini hər kəsə nümayiş etdirə bilirlər

Ağdamın Quzanlı qəsəbəsi düşmənlə çox yaxın məsafədə yerləşir. Yerli sakinlər atəşkəsin pozulması hallarına tez-tez şahidlik edirlər. Ancaq insanların çöhrəsində bir mərdlik, qorxmazlıq var. Qazilərin, keçmiş döyüşçülərin “bu vətən bizimdir. Bu vətən üçün savaşdıq” deməsi məktəbliləri daha da ruhlandırırdı.

“Bayraq yürüşü”ndə çıxış edən təhsil nazirinin müavini Firudin Qurbanov çıxışı zamanı bildirib ki, ölkəmizin sürətlə inkişaf etməsi insanda qürur hissi yaşadır:  "Fəxr etməliyik ki, Azərbaycan kimi bir ölkədə yaşayırıq. Bayraq yürüşümüz bizim bir xalq olaraq bir olduğumuzu göstərir. Biz hər zaman işğal olunmuş ərazilərimizi azad etməyə hazırıq. Prezidentin Rusiyanın Soçi şəhərində «Qarabağ Azərbaycandır!» - deyə qətiyyətlə səsləndirdiyi fikir bütün Azərbaycan vətəndaşlarına qürur hissi yaşatdı. Biz Ali Baş Komandanın əmri ilə hər zaman işğal altında olan torpaqlarımızı azad etməyə hazırıq. İnanırıq ki, bir gün üçrəngli bayrağımız Qarabağın işğaldan azad edilən bütün bölgələrində dalğalanacaq”

 

Millət vəkili Aydın Mirzəzadə bayrağımızı işğal olunan ərazilərə sancmağa da, sancıldığı yerlərdə dalğalandırmağa da gücümüz olduğunu söyləyib:

“Artıq beşinci ildir ki, müharibə bölgələrimizdə "Bayraq yürüşü” keçirilir. Bu gün təkcə yürüşün keçirildiyi Ağdam rayonu deyil, bütün Azərbaycan belə bir möhtəşəm tədbirdən xəbərdardır. Bu gün Azərbaycan beynəlxalq tədbirlərin keçirildiyi ölkədir. Bu gün Azərbaycan dünya liderlərinin toplaşdığı «Qarabağ Azərbaycandır! Nida!» deyən ölkədir. Ölkəmiz bu səviyyəyə xalqımızın səyi, özünün qətiyyətli lideri ilə çatıb. Gün o gün olsun, bayrağımız Laçında, Şuşada, Kəlbəcərdə - işğal altında olan bütün bölgələrdə dalğalansın! İnanırıq ki, o gün uzaqda deyil. Harada bayraq varsa, Azərbaycan vətəndaşı ordadır. O bayrağı qorumaq üçün ölkə vətəndaşları canından keçməyə hazırdır”.

Ağdam rayonun icra başçısı Vaqif Həsənov qeyd edib ki, bu gün ağdamlılar bütün ordusu və mülki əhalisi ilə birgə "Bayraq yürüşü”nü Ağdam rayonunun mərkəzində keçirməkdən şərəf duyurlar:

"Bu, bizim möhtəşəm birliyimizin göstəricisidir. Bayraq xalqın qürurunu ifadə edir. Fəxr edirəm ki, bayraq gününü Ağdam rayonunda belə möhtəşəm qeyd edə bilirik”.

N saylı hərbi hissənin birlik komandirinin müavini, polkovnik-leytenant Babək Səmidli dalğalanan bayrağımızda milli mənsubiyyətimiz, türklüyümüz, dinimiz və gələcək hədəflərimizin əksini tapdığını bildirib:

"Vətəndaşlarımızda bayraq sevgisini artırmaq, dövlətçiliyimizin möhkəmlənməsi üçün dövlət başçısının ətrafında aaaasıx birləşmək üçün bayraq yürüşünü həyata keçiririk. Bu bayrağın dalğalanması üçün Azərbaycan xalqının mərd oğulları canlarını qurban veriblər. Bu bayraq uğrunda şəhid olanlarımız saysız-hesabsızdır. Bu bayraq uğrunda döyüşən qazilərimiz var. Bu bayramı belə möhtəşəm şəkildə qeyd etməklə tezliklə düşmən işğalından torpaqlarımızı azad edəcəyimizə inanırıq. Hər bir Azərbaycan əsgər və zabiti söz verir ki, Baş Komandanın əmri ilə və rəhbərliyi altında işğal olunmuş torpaqlarımızı azad edəcək, ərazi bütövlüyümüzü bərpa edərək bayrağımızı Azərbaycanın bütün bölgələrində, işğal olunmuş torpaqlarımızda dalğalandıracağıq”.

 

Bizi qoruyan ordumuz!

Ağdamda keçirilən “Bayraq yürüşü”ndən sonra N saylı hərbi hissənin əsgər və zabitləri ilə görüşə getdik. Onlarla eyni masa arxasında əyləşib nahar da etdik. Təbii ki, bu zaman onlarla söhbətləşmək imkanımız da oldu. Etiraf edək ki, arxa cəbhənin insanları olaraq rahat və sakit həyat yaşayırıq. Cəbhə bölgəsinə yaxın ərazidə yaşamadığımızdan atəş səslərini də eşitmirik. Düşmənlə 5 km məsafədə yerləşən N saylı hərbi hissənin əsgər və zabitləri “Biz bu vətənin övladlarıyıq. Vətənə xidmət etməkdən qürur duyuruq. Vətən sağ olsun!”-deyirlər. Onların arasında torpağı işğal altında olanlar da, yaşı torpaqlarımızın işğal tarixlərindən az olanları da var. Ancaq onları bir arada saxlayan VƏTƏNdir, vətənə olan sevgidir.

Müddətdən artıq xidmət edən(MAXE) əsgərimiz deyir ki, 2016-cı ilin aprel döyüşlərində olduqları bu hərbi hissə tamamilə dağılmışdı:

“2016-cı ilin aprel döyüşləri zamanı Ağdamda da güclü döyüşlər gedirdi. İndi gəldiyiniz bu N saylı hərbi hissə tamamilə dağılmışdı. Döyüşlərdən sonra bu hərbi hissə yenidən əvvəlki halına qaytarıldı. 5 ildir ki, müddətdən artıq xidmət edirəm. Bu vətənə, bu torpağa canım fəda olsun. Arzumuz budur ki, 3 rəngli bayrağımız hər zaman zirvələrdə dalğalansın”.

Bugünkü rahat həyatımızı bizi ön hissədə qoruyan oğullarımıza, qardaşlarımıza borcluyuq.

Boşuna deyilmir ki, “ordum varsa, yurdum var, ordum yoxsa, yurdum yox”. Məhz güclü ordumuzun sayəsində biz də ayaqdayıq. Təbii, biz onlarla birgə şəkil də çəkdirdik, yemək də yedik, söhbət də etdik. Ancaq hərbi sistemdə heç də hər şey bizim şəkil çəkdirdiyimiz qədər asan deyil. Hərbinin öz qaydaları var. O qaydalar ki, vətənin, dövlətin, xalqın azadlığının, suverenliyinin müdafiəsinə hesablanıb.

Tanrı sizi qorusun, Azərbaycan əsgəri! Bayrağımız hər zaman zirvələrdə dalğalansın! Bayraq günümüz mübarək!

BU KATEQORİYADAN OLAN DİGƏR XƏBƏRLƏR
+ Arxiv
Cavanşir Paşazadə şəhid ailəsinin evində olub - FOTOLAR 22 Yanvar 2020, 17:51 Rauf Əliyev seçicilərlə görüşdü - FOTO 22 Yanvar 2020, 17:49 İcra Hakimiyyəti “Bu şəhərdə”yə konsert keçirməyə icazə vermədi 22 Yanvar 2020, 17:36 Azərbaycan və Monqolustan prezidentləri görüşüblər 22 Yanvar 2020, 17:30 İlham Əliyev Polşa prezidenti ilə görüşüb 22 Yanvar 2020, 17:23 Ekspertdən İpoteka və Kredit Zəmanət Fonduna: “9 milyon manatlıq elektron sistem niyə işləmir?” 22 Yanvar 2020, 17:16 Vilayət Eyvazov kollegiya iclası keçirdi - “Qarşıda çox mühüm vəzifələr durur” 22 Yanvar 2020, 17:09 Yeni məktəbli formalarının təsvirləri təqdim OLUNDU 22 Yanvar 2020, 17:02 Azərbaycanda pensiya və sosial müavinətləri artan insanların sayı AÇIQLANDI 22 Yanvar 2020, 16:56 Ali məktəblərə qəbul imtahanlarının vaxtı açıqlandı - TARİXLƏR 22 Yanvar 2020, 16:50 Seçkiyə müdaxilə etmədiyinə görə işdən çıxarıldığı deyilən icra nümayəndəsi Modern.az-a DANIŞDI 22 Yanvar 2020, 16:43 Qaradağda məslunlaşmış məcburi köçkünlərdən Mahir Abbaszadəyə dəstək 22 Yanvar 2020, 16:36 Cavanşir Paşazadə Həzi Aslanovun ev muzeyində olub - FOTOLAR 22 Yanvar 2020, 16:30 İlham Əliyev: “Prezident Administrasiyasında yeni insanlar lazımdır”  22 Yanvar 2020, 16:24 Konstitusiya Məhkəməsinin sədrinin telefonu dinlənilir 22 Yanvar 2020, 16:17 “Avropa İttifaqının daha çevik yanaşma göstərməsini gözləyirik” - Hikmət Hacıyev 22 Yanvar 2020, 16:10 Sabah bu marşrut xətti üzrə avtobuslar dəyişdiriləcək 22 Yanvar 2020, 16:03 Metroda və avtobuslarda cibgirlik edən şəxs SAXLANILDI 22 Yanvar 2020, 15:56 Azərbaycanda uşaqlara ən çox verilən ADLARYusif, Zəhra, Əli... 22 Yanvar 2020, 15:50 Putin: “Rusiyaya güclü prezident hakimiyyəti lazımdır” 22 Yanvar 2020, 15:44 İTV Eurovision-2020” üçün mahnı qəbulunu elan etdi 22 Yanvar 2020, 15:37 Ramiz Mehdiyev Yüksək Texnologiyalar Parkına baxış keçirdi 22 Yanvar 2020, 15:30 Deputatlığa namizəd Natiq Cəfərlinin həyat yoldaşı: “Bu il qələbəyə çox yaxın olduğunu hiss edirəm” 22 Yanvar 2020, 15:23 Azərbaycanda hoteldə işləyənlər üçün YENİLİK 22 Yanvar 2020, 15:17 Rəşad Camalov Şirvan camaatı ilə izdihamlı görüş keçirib - FOTOLAR 22 Yanvar 2020, 15:10 Azərbaycanda ölənlərin sayı azalıb 22 Yanvar 2020, 15:05 AFFA bir neçə futbolçunu cəzalandırdı 22 Yanvar 2020, 15:00 Qazaxıstan sərhədçiləri azərbaycanlıları saxladı - Xəzər dənizində 22 Yanvar 2020, 14:54 Oqtay Əsədov “Facebook”a gəldi  22 Yanvar 2020, 14:47 Deputatlığa namizəd Anar Məmmədovun  təşviqatı davam edir - FOTOLAR 22 Yanvar 2020, 14:41 Malik Həsənov Cəlilabadın daha 4 kəndində görüşlər keçirib - FOTO 22 Yanvar 2020, 14:40 Qar yağacaq, yollar buz bağlayacaq - XƏBƏRDARLIQ 22 Yanvar 2020, 14:33 İcra başçısı Qarabağ əlillərinin yaşadığı binadakı vəziyyətlə tanış oldu 22 Yanvar 2020, 14:27 Hadi Rəcəbli gənclərlə Həzi Aslanovun  abidəsi önündə - FOTOLAR 22 Yanvar 2020, 14:24 “Azərbaycanda siyasi məhbus məsələsi məruzəçi tərəfindən kənara qoyulub” 22 Yanvar 2020, 14:19
SORĞU Yeni parlamentdə kimlər olsun?